PR Horta Garante Xanana Rezolve Fronteira Terrestre ho Indonézia

Prezidente Repúblika, José Ramos-Horta.

Díli, 23 Outubru 2026 (RAFA)- Prezidente Repúblika, José Ramos-Horta, garante Primeiru-MInistru  Xanana Gusmão nu’udar figura importante atu solusiona 3% husi fronteira terrestre entre Timor-Leste ho Indonézia ne’ebé seidauk finaliza, tanba komplesidade negosiasaun ne’ebé kontinua to’o agora.

Xefe Estadu hato’o deklarasaun ne’e  iha nia  Palestra Prezidensiál 2026, Série V, kona-bá fronteira terrestre, iha Palasiu Prezidensiál, Sesta-ne´e, hodi subliña katak, parte Timor-Leste to’o ona 97%, ne’e la’ós tanba momentu ne’eba matenek liu ka la’e, sefose IX governu mak halo karik 97% ne’e mós halo semana ida, rua, tanba fatin ne’e laiha problema, fasil demarkasaun.

Nia esplika, maski demarkasaun 97% fronteira terrestre nian la’o ho fasil, parte restante presiza lideransa ne’ebé iha koñesimentu kle’an kona-bá istória, tratadu no aspetu jurídiku fronteira.

“PM Xanana Gusmão no ekipa iha responsabilidade importante atu kontinua buka solusaun ba asuntu fronteira ne’ebé kompleksu, inklui área Oé-Cusse,” Ramos-Horta hateten.

Prezidente Repúblika subliña, akordu fronteira marítima ho Austrália nu’udar progresu importante, no afirma katak negosiasaun fronteira terrestre no marítima ho Indonézia presiza lideransa forte, apoiada husi koñesimentu tékniku no jurídiku ne’ebé kle’an hanesan Primeiru-Ministru Xanana Gusmão.

Jornalista: Cristina Ximenes