Governu Halo Kampaña Prevensaun Moras La Hadaet Ba Manorin Sira

Ministériu Edukasaun ho Ministériu Saúde halo kompaña prevensaun bá moras la hada’et,  no halo  teste bá manorin  sira iha nivél esinu bázika sira iha Munisípiu Díli, Kinta 22 Outubru 2026.

Díli, 22 Outubru 2026 (RAFA)- Ministériu Edukasaun ho Ministériu Saúde halo kompaña prevensaun bá moras la hada’et,  no halo  teste bá manorin  sira iha nivél esinu bázika sira iha Munisípiu Díli kona-bá moras fuan,  stroke, hipertensaun,  infennsan respiratoriu  agudu (IRA), kankru, moras renal, diabetes melitus ne’ebé  trasnmite  iha Timor-Leste.

Ministra, Dulce de Jesus hatete, Ministériu Edukasaun  servisu hamutuk ho Minitériu Saúde  no mós Asosiasaun Médiku Timor-Leste, ho Ailansa Nasionál  Prevensaun  Moras La Hadaet,  hahú atividade ida-ne’e iha eskola sira hotu,  teste bá profesór nune’e mós bá estudante sira hotu, hahú husi Díli durante fulan sia nia laran.

“Ha’u fiar katak iha nivél munisipál mós, iha ne’ebá  iha nivél ospitál sira, agora dadaun servisu hamutuk ho ekipa sira hanesan ne’e,  kontinua halo programa no kontinua halo  kampaña bá eskola sira, atu nune’e, profesór sira ho estudante sira iha koñesimentu kona-bá  oinsá sira halo prevensaun moras la hadaet  bá iha sira nia moris, tanba estudante no joven sira  maka jerasaun futuru bá iha nasaun ida-ne’e nian,” Ministra Dulce de Jesus. hateten

Diretór Nasionál Prevensanun Kontrollu Doensa, Constantin Lopes hatete, prevensaun ne’e barratu no fasil liu duké kura, tanba ne’e labele hein to’o komplikadu boot, tanba ne’e maka Ministériu Edukasaun servisu hamutuk ho Ministériu Saúde hodi konsetra liu iha prevensaun.

“Moras ida-ne’e oho ema neineik iha komunidade,  maibé daka  ruma ita la sente  maibé   ne’e,  sira oho ema barak loos, tanba ne’e ami preokupa hanesan ita halo screaming,  bá instiusaun sira no bá iha komunidade sira  atu deteta sedu  no tratamentu sedu, ne’e imporante loos,” hatete Constantin Lopes.

Deiretór Ezekutivu báAaliansa Nasionál Konrollu Tabaku, no Moras La Hadaet, Sancho Belito Ferdandes hatete, ANCT nia levantamentu hatudu funsionáriu Públiku pursentu 40  maka sidauk iha koñesimentu kona-bá prevensaun moras la hadaet.

“Ativade prinsipál ne’e atu fó motivasaun bá funsionariu públiku sira,  funsionariu  sira iha Ministériu Edukasan, atu enkoraza sira hodi halo prevensaun sedu no detensaun sedu bá moras,” hatete Sancho Belito Ferdandes.

tuir dadus ne´ebé Aliansa Kontra Tabaku, hatudu husi tinan 2019 too 2023, rejista ema ne´ebé kona moras la hadaet hamutuk 4.800 no husi numéru ne´e hamate ona joven kuaze pursentu 20.

Jornalista: Marcelino Tomae