play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

RAEOA Tau Prioridade Ba Ekonómia Mikro Pekenu iha OJE 2027

todayOctober 22, 2026 8

Background
share close

Prezidente RAEOA, Régio da Cruz Salu.

Díli, 22 Outubru 2026 (RAFA)- Orsamentu Jeral Estadu (OJE) 2027 ne’ebé Governu prevé ba Rejiaun Administrativa Espesiál Oé-Cusse Ambeno ( RAEOA)  hamutuk  millaun US$56,1 no husi orsamentu ne’e sei tau prioridade ba ekonómia mikro pekenu povu atoni nian.

Prezidente Autoridade Rejiaun Administrativa Espesiál Oé-Cusse Ambeno (RAEOA),  Régio da Cruz Salu ba jornalista sira iha Parlamentu Nasionál, Kinta- ne’e hatete,  iha audiénsia públika ho Komisaun E Parlamentu Nasionál trata asuntu Infraetrutura mak atu hatene RAEOA nia ezekusaun OJE 2026 nian no mós planu prioridade OJE 2027 nian.

“RAEOA nafatin iha ekonómia, tanba ne’e importante ba rai enklave, bainhira konetividade ligasaun ba rural ahi ne’e di’ak ona, agora dalan di’ak ona, ita dehan katak povu mak merkadu povu mak dezenvolvimentu prioridade ekonómia tenke halo, agora foku liubá ekonómia mikro pekenu no mediu, tanba ne’e sai baze aliserse bai ha ekonómia eskala boot liu mai tán,” hatete PA RAEOA Régio da Cruz Salu.

Nia afirma iha OJE 2027 ne’e sei foku mós iha povu RAEOA nia emprededorizmu, povu nia kriatividade ba ekonómia nian no boa governasaun no asuntu  sosiál sira,  liga ba infraestrutura mak sei foku ba bee-moos eletrisidade no  estrada sira.

Prezidente Autoridade RAEOA haktuir, ezekusaun Orsamentu  Jerál Estadu 2026 nian ba kategoria sira atinje 50%, maibé  enjeral seidauk atinje 50%, razaun tanba RAEAO iha hela  faze reorganizasaun, uniformasizasaun nomós presiza sinkronizasaun, nomós atu ezekuta OJE tenke tuir lei ne’e mak importante liu.

Iha fatin hanesan Prezidente Komisaun E PN, Marcos Xavier hatete, iha audiénsia ne’e komisaun E rekomenda atu RAEOA esforsu hodi halo ezekusaun ba OJE 2026 tenke atinje pursentu ne’ebé boot.

“Komisaun nota haré katak iha sira nia ezekusaun iha 2026 kiik foin mak atinje 51%, agora ita hela de’it fulan ida ho balu no ha’u fiar katak sira labele ezekuta to’o 80% to’o 90%,” Deputadu Marcos Xavier hateten.

Jornalista: Zita Menezes

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!