Ouvir RAFA Ritmo, Voz e Coração de Timor
Intermediáriu ne'ebé Polísia detein tanba deskonfia bosok ema hatama osan ho kompromisu atu fasilita ba servisu iha Asutrália liu husi SEFOPE.
Díli, 03 Outubru 2026 (RAFA)– Tribunál Judisiál Primeira Instánsia Díli liu husi Juíza Maria da Silva Pinto, liberta arguidu intermediáriu (broker) Sekretária Estadu Formasaun Profisionál no Empregu (SEFOPE) ida tanba konsidera Polísia Nasionál Timor-Leste (PNTL) halo detensaun ilegál ba arguidu refere.
PNTL liu husi Diresaun Servisu Informasaun Polísia (DSIP) kaptura arguidu iha Timor Plaza no prende pasaporte hamutuk 28 tanba konsidera bosok Timor-oan sira hatama osan iha nia ho kompromisu atu fasilita ba servisu iha Austrália liu husi SEFOPE.
Iha Sabádu-ne’e, Minitériu Públiku reprezenta husi Prokuradór Matias Soares lori arguidu bá partisipa Julgamentu Prirmeiru Interogátoriu iha Tribunál Judisiál Primeira Instánsia Díli. Maibé, molok atu audénsia julgamentu Advogada Privada Elizabet Rosa da Costa Lopes ho Jorge Sabes Victor ne’ebé fó asistensia legál bá arguidu rekore bá tribunál katak, autoridade Polísia sira halo detensaun ilegál bá sira nia kliente, la’ós detensaun Flagante delitu.
Tanba ne’e Advogadu husu tribunál atu liberta emidiata sira nia kliente, tanba la priénse rekizitu iha detensaun flaglante delitu.
Juíza Maria da Silva Pinto, intende katak autoridade Polísial sira halo detensaun ilegál bá arguidu, nune’e desidi liberta arguidu husi krime burla agravadu.
Maske nune’e, Ministériu Públiku liu husi Prokuradór Matias Soarea sei rekore rekursu hodi kontra despaisu tribunál nian.
Jornalista:Marcelino Tomae/ Juvinal Cabral dos Santos
Written by: RafaFM
Tribunál Liberta Intermediáriu SEFOPE Ida Tanba PNTL Halo Detensaun Ilegál
todayNovember 20, 2026 4 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt