Durante Ferias Judisiál, TJPID Atende Kazu Urjente 28

Imajen/Reprodusaun

Díli, 17 Setembru 2026 (RAFA)– Durante ferias judisiál iha fulan-Agostu, tinan ne’e, Tribunál Judisiál Primeira Instánsia Díli (TJPID) atende prosesu  kazu urjente hamutuk-28 kompostu husi Julgamentu Prirmeiru Interogátoriu-19,  prosesu Sumariu rua (2) no  prosesu sivíl hitu (7).

Juíz Administradór TJPID, Yudi Pamukas ba jornalista sira iha Díli, Kinta-ne´e, hatete kazu hirak ne’e maioria krime, burla informátika, asosiasaun kriminoza, brankeamentu kapitál no esplorasaun jogu ilísitiu, no krime seluk, mak Krime ofensa simples, no  pekulatu bá uzu.

“Durante  ferias judisiál, ita konsege prosesu kazu urjenti sira hanesan Primeiru Interogátoriu  hamutuk 19, prosesu  Sumariu ita atende prosesu rua (2) no mós prosesu sivíl nian, ita atende prosesu hitu (7),”  Juíz Yudi Pamukas relata.

Nia nia hatutan, kona-bá despaisu Tribunál bá kazu krime sira ne’e , medida kausaun sai hanesan medida ne’ebé aplika barak liu iha Tribunál Judisiál Primeira Instánsia Díli, hanesan aprezentasaun periódika, proibisaun audiénsia, termu identidade no rezidénsia, no menus liu maka prizaun preventive.

Nia subliña katak tribunál aplika medida kausaun depende bá desizaun Juíz ida-idak,  no  tuir konsiderasaun kona-bá kazu ne’ebé iha.

Jornalista: Marcelino Tomae