Tribunál Aplika Medida Haat Ba Arguidu Na´in-Hitu Kazu Scam Call Centre iha Otel Garden Beach

Arguidu sira ba kazu scam call centre iha Otél Garden Beach.

Díli, 15 Setembru 2026 (RAFA)- Tribunál Judisial Primeiru  Instánsia Díli (TJPID),  Tersa-ne’e, liuhosi despaisu ikus aplika medida haat ba arguidu na´in-hitu ne’ebé suspeita ba kazu scam call centre iha Otél Garden Beach.

Medida haat ne’e mak hanesan proibisaun aujénsia, aprezentasaun periódidika, termu identidade bá rezidensia (TIR) no kausaun  hahú husi US$3,000.00 ba to’o US$5,000.00 tamba arguidu sira alegada prátika atividade jogu ilísitiu scam call centre.

Iha audénsia julgamentu ne’ebé hala’o iha Sábadu, Domingu no Segunda, fulan-Setembru ne’e, arguidu sira konfensa bá  Tribunál katak sira la envolve iha atividade scam call centre hanesan alegasaun Ministériu Públiku nian. Maibé durante ne’e, sira hala’o atividade komersiál lejítima, nune’e  sira ba enkontru iha Otél Garden Beach, atu diskute kona-bá arrenda rai iha área Hera ne’ebá, ho objetivu atu uza fatin ne’e ba atividade negósiu.

Iha kalan 10 Setembru, hale’u tuku 23:00 Otl,  autoridade seguransa kaptura sira bainhira arguidu sira tuur iha veranda no seluk  iha kuartu laran no noton telemovel.

Minitériu Públiku ne’ebé reprezenta husi Prokuradór Domingos Goveia Leite akzua argiudu na’in-ualu komete  krime asosiasaun kriminoza, burla informátika, esplorasaun jogu ilísitiu no brankeamentu kapitál.

Iha Alegasaun Prokuradór Domingos Goveia Leite solita bá Tribunál atu aplika médidia kausaun Prizaun Preventiva, bá arguidu na’in-hitu, tanba arguidu sira nia nega faktu ne’ebé kontempla  iha autos.

Enkuantu Advogadu Privadu Pedro Camões, husu Tribunál liberta arguidu sira, tanba  konsidera autoridade polísial sira halo detensaun no apreensaun fora husi oras servisu laiha mandadu detensaun husi Tribunál.

Advogadu privadu Otavio Cardoso husu tribunál atu liberta nia kliente tanba la envolve iha atividade  refere.

Rona tiha alegasaun Tribunál liu-husi Juiza Novela Alberto liuhusi nia letura despaisu, aplika  medida koasaun Aprezentasaun Periódidika, Prebuisaun Aujénsia, Termu identidade Rezidensia (TIR).

Tribunál aplika  médida  kausaun bá arguidu na’in-tolu US$3000.00 no  na’in-haat seluk ba kada arguidu US$5000.00.

Tribunál mós fo prazu bá arguidu na’in-hitu ne’e, durante loron 20 nia laran tenke kumpri  médida kausaun hamutuk US$27,000.00  iha  Tribunál ka Minitériu públiku.

Jornalista: Marcelino Tomae