play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Justisa no Krime

Tribunál Aplika Prizaun Preventiva Bá Arguidu Sira Kazu Scam Call Centre iha Otél California

todayAugust 30, 2026 37

Background
share close

Arguidu sira kazu scam call centre iha Otél California.

Díli, 30  Agostu 2026 (RAFA)– Juis  Ercília de Jesus, husi Tribunál Judisiál Primeira Instánsia Díli (TJPID), Domingu-ne’e,  hatun despaisu hodi aplika Previzaun Preventiva bá Arguidu na’in-13 ne’ebé alegadu envolve iha kazu Scam Call Centre iha Otél California, Díli.

Durante  audiénsia primieira interogatóriu kontinuasaun,  Ministériu Públiku (MP) reprezenta husi Prokuradór João Marques, akuza arguidu sira ho krime jogu ilísitu, burla informátika, asosiasaun kriminoza no brankeamentu kapitál.

Prokuradór João Marques husu bá Tribunál atu aplika medida  prizaun preventiva, bazeia ba evidénsia fíziku hanesan telemóvel 26, laptop, no operadór internet Starlink.

Advogadu privadu sira ne’ebé fó asistensia legál bá arguidu na’in-13, husu tribunál aplika medida kausaun tuir intendimentu tribunál, ho Prebuisaun Aujénsia.

Rona tiha parte hotu-hotu, Juiza Ercília de Jesus hateten katak arguidu-13 ne’e priénse hotu krime haat ne’ebé Ministériu Públiku imputa bá sira no hatun despaixu hodi aplika Prizaun Preventiva.

Maske Nune’e, Advogadu ne’ebé fóAsistensia legál bá arguidu sira, la konkorda ho despaisu husi Tribunál nian ne’ebé  fó ba  nia kliente, nune’e sei rekorre rekursu bá hodi kontra  despaisu tribunál ninia.

Tuir regra no prosedimentu Rekursu, advogadu tenke submete rekursu no alegasaun   ho argumentu sira  durante prazu loron 30 nian laran,  ne’ebé notifika desizaun tribunál nian  tuir artigu 294 kódigu Prosesu Penál Timor-Leste.

Hafoin remata Primeiru Interogátoriu, Polísia Nasionál Timor-Leste (PNTL) liuhosi Diresaun Servisu Investigasaun Kriminál, transporte kedas arguidu sira bá  Prizaun Preventiva iha Becora.

Fó hanoin fali katak, ekipa konjunta kompostu husi PNTL, Diresaun Servisu Investigasaun Kriminal , Servisu Migrasaun no ekipa servisu sekreta kaptura arguidu na’in-16 iha Otél California iha Kuarta-kalan, 26 Agostu 2026.

Husi arguidu na’in-16 ne’e, na’in-tolu hetan libertasaun hafoin  investigasaun no identifikasaun no kumpre  detensaun oras 12 nia laran.

Jornalista: Marcelino Tomae

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!