play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Justisa no Krime

Tribunál Aplika Medida Kausaun US$3,000.00 ba Arguidu Na’in-30 Envolve Kazu Scam Call Center iha Metiaut

todayJuly 30, 2026 43 1

Background
share close

Arguidu sira kazu kazu scam call center iha Metiaut.

Díli, 30 Jullu 2026 (RAFA.TL) – Tribunál Judisiál Primeira Instánsia Díli (TJPID), Kuarta-ne’e, hala’o interogatóriu dahuluk ba arguidu na’in-30 ne’ebé Diresaun Servisu Investigasaun Kriminál (DSIK) asegura no detein iha Domingu, 26 fulan-Jullu ne’e, iha operasaun ida iha ótel ida iha área Metiaut, Díli.

Iha interogatóriu dahuluk ne’e, Ministériu Públiku (MP) halo akuzasaun hasoru arguidu sira ho krime haat, mak krime jogu ilísitu, asosiasaun kriminoza, burla informátika no brankeamentu kapitais, tanba sira envolve iha atividade ilegál scam call center.

Prokuradór Matias Soares, ne’ebé reprezenta Ministériu Públiku, iha nia alegasaun husu ba Tribunál atu aplika medida kausaun osan hanesan ho desizaun ne’ebé antes ne’e aplika ona ba arguidu sira seluk iha kazu scam call center.

Enkuantu parte defeza husu Tribunál atu fó liberdade ba arguidu sira, ho argumentu katak detensaun la akontese iha situasaun flagrante delitu.

Rona tiha Ministériu Públiku no parte defeza, Tribunál deside aplika medida kausaun osan ba kada arguidu US$3,000.00 hamutuk arguidu na’in-28. Enkuantu arguidu rua seluk, Tribunál aplika medida Proibisaun Auzénsia (PA) no Termu Identidade no Rezidénsia (TIR).

Prosesu judisiál ba kazu ne’e sei kontinua tuir tramite legal sira atu determina responsabilidade kriminal ba arguidu sira tuir lei maka vigora iha Timor-Leste.

Jornalista: João Carlos

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!