PNTL Detein Xinés ho Indonéziu Na’in-90 Suspeita Ba Jogu Ilísitu Scam Call Centre iha Comoro ho Ulmera

Fatin ne'ebé deskonfia hala'o pratika jogu ilísitu scam call centre iha Ulmera, Liquiça.

Díli, 13  Jullu  2026 (RAFA.TL)- Polísia Nasionál Timor-Leste (PNTL), Segunda ne’e, kontinua buska no apreensaun ba fatin balun iha área Comoro-Díli ho iha área Ulmera-Liquiça ne’ebé deskonfia sai hanesan fatin ba operadór jogu ilísitu scam call centre.

Iha operasaun ba fatin rua ne’e, PNTL halo detensaun ba suspeitu na’in-90 ho nasionalidade Xinan ho Indonezia, kompostu husi na’in-76  detein iha Ulmera no na’in-14 detein iha Comoro.

Suspeitu hirak ne’e maioria estranjeiru ho nasionalidade Xina ho Indonézia.  Iha buska ne’e, autoridade polísia halo mós  apreensaun ba sasán ka prova sira ne’ebé sai materia prima ba atividade jogu ilísitu scam call centre, hanesan laptop unidade 56, telefone ho marka iPhone no Oppo A5S,   starlink haat, katu sim telefone husi operadór telekomunikasaun Telkomcel, ho mós pasaporte suspeitu sira-nian.

Uma na’in ne’ebé suspeitu sira arrenda nia uma hodi halo atividade jogu online scam call centre iha área Ulmera-Liquiça hateten, suspeitu sira aluga ka arrenda nia uma ho rai ho rajaun atu utiliza ba fatin rai sasán, maibé derepenti polísia dekobre hlao fali atividade ilísitu scam call centre nia laiha koñesimentu.

“Ami halo kontratu arrendamentu ba uma ho rai ne’e kada fulan $2,700.00 no parte sira arendadu nian selu ona tinan rua nian ho total $64,000.00 iha fulan-rua ba kotuk, ho rajaun atu rai sasán ne’ebé importa husi estranjeiru, mas kona fali ba atividade seluk ne’e ami lahatene,” uma na’in ne’ebé husu atu la publika nia identidade ne’e haktuir.

Autoridade seguransa PNTL lori suspeitu sira ne’e hamjutuk na’in-90 ne’ebé kaptura iha Comoho hoi ha Tibar ne’e ba iha Komandu Jerál PNTL hodi halo idenitifkasuan ni investigasaun molok submete ba Ministériu Públiku.

Jornalista: João Carlos/Editór: Vito Salvadór