Timor-Leste Ho Brazil Halo Diálogu Kona-bá Justisa Itinerante

Prezidente Repúblika (PR), José Ramos-Horta hamutuk ho Ministru Justisa (MJ) ,Sergio Fernandes da Costa Hornai, Prezidente Tribunál Rekursu (PTR), Afonso Carmona, Provedór Direitos Umanos no Justisa (PDHJ), Virgilio da Silva Guterres, no Jurista sira husi Tribunál da Justisa de Estado husi do Rio de Janeiro (TJRJ), halo diálogu kona-bá programa Justisa Itinerante (Tribunál Ambulante), Segunda 06 Jullu 2026.

Díli, 06 Jullu 2026 (RAFA.TL)- Prezidente Repúblika (PR), José Ramos-Horta hamutuk ho Ministru Justisa (MJ) ,Sergio Fernandes da Costa Hornai, Prezidente Tribunál Rekursu (PTR), Afonso Carmona, Provedór Direitos Umanos no Justisa (PDHJ), Virgilio da Silva Guterres, no Jurista sira husi Tribunál da Justisa de Estado husi do Rio de Janeiro (TJRJ),  halo diálogu kona-bá programa Justisa Itinerante (Tribunál Ambulante) hodi troka hanoin no konseitu sira oinsá lori justisa besik ba povu sira ne’ebé hela iha área remota.

Diálogu ne’ebé halao iha Palásiu Prezidensiál, Díli, Segunda (06/07/2026), ho objetivu atu fahe esperiénsia entrejJurista sira husi Brazil no mós Tribunál Timor-Leste oinsá maka atu harii mós juglamentu movel ida iha Timor-Leste, liu-liu ba komunidade sira ne’ebé maka hela iha area rurál.

Prezidente Repúblika, José Ramos-Horta hateten Tribunál da Justisa de Estado Rio de Janeiro (TJRJ), sempre halo programa espesiál ida-ne’e, sempre realiza iha Brazil, hanesan Tribunál Itinerante (Tribunál Movel) hanesan estrutura fixu ida ne’ebé la hela metin iha fatin fixu ida tanba Rio de Janeiro hanesan doiedade boot ida, iha fatin barak no difisil teb-tebes, para justisa to’o iha ne’ebá, antaun sira organiza aan tuir lei instituisaun, kria liu husi lei bolu justisa imovimentu, justisa itinerante.

Xefe Estadu hlao komparasaun ho Timor-Leste nia aldeia sira ne’ebé maka iha área rurál, balu lahatene kona-bá Tribunál, dalaruma problema ruma akontese iha área rurál, susar ba sira atu asesu ba Tribunál.

“Ha’u konvida sira mai fahe esperiénsia sira nia ho ita nia Tribunál sira, ho Ministériu Justisa, ho Provedoria oinsá ita bele aprende buat ruma, aplika iha Timor-Leste para bele lori Justisa to’o aldeira sira,” Ramos-Horta hateten.

Ramos-Horta argumenta setór justisa iha Timor-Leste dalabarak falla tanba buat hotu muda tuir mandatu governu, dalaruma sistema sira hetan mudansa iha periodu governante sira, antau susar ba setor justisa no la iha memoria esensial ruma.

Prezidente Repúblika husu ba Prezidente Tribunál Rekurus tenke aselera Supremu Tribunál Justisa, tenke finaliza iha fulan-Novembru tinan ne’e, hodi bele reforsa liután setór Justisa iha Timor-Leste.

“Prezensa husi Jurista sira husi Tribunál Rio de Janeiru atu bele reforsa liután, Juis sira, Advogadu sira, Ofisiál justisa sira atu bele hadia setór Justisa iha Timor-Leste,” tenik Ramos-Horta.

Jornalista: Remigia Locatelli/Editór: Vito Salvadór