Ministériu Edukasaun Rejista Eskola Internasionál 26, Rua Hetan Akreditasaun Operasionál Tuir Kuríkulu IB

Atviidade gradusaun husi Eskola Internasionál St. Jude Thaddeus. Imajen/Dok.Rafa.tl

DÍLI, RAFA.tl – Ministériu Edukasaun (ME), liu husi Gabinete Avaliasaun Lisensiamentu no Akreditasaun (GALA), rejista eskola internasionál hamutuk 26.

Notísia Relevante: International School Ne’ebé Laiha Lisensa Operasionál husi Governu Konsidera Ilegál

Husi númeru eskola internasionál sira ne’ebé eziste iha Timor-Leste ne’e, GALA atribui ona  akreditasaun operasionál tuir kuríkulu International Baccalaureate (IB) ba eskola rua; Quality International School (QSI) no Díli International School (DIS) kobre Pre-School, Secondary no Basic Education.

Dau-daun ne’e mós iha eskola lima (5) nia lisensa sei válidu, hanesan Quality International School (QSI) no Díli International School (DIS), Singapore International School (Sis),  Z&Z International School, Eagle International School.

Ba eskola 13 ne’ebé seidauk hetan lisensa, maka hanesan Funan International, Aikameli Hamorin Timor International School,  Shine International School, International School Azevedo Marçal, Ligthouse International School, The Adventist  International School Viqueque, The Advenstist  International School Manufahi, The Adventist International School Baucau, The Adventist International School Laútem, International School lil active Minds Manatuto, International School St. Paulo Methodist  Dili, Blessing Internationál School Bobonaro, no Blessing International School Liquiça.

Eskola ne’ebé seidauk renova lisensa (Expire) hamutuk ualu (8) maka hanesan, Tais International School Dili, St. Jude International School, Heritage International School, St. Mary´s International School, St. Anthony International School, EPE International School Ainaro, EPE International School lil Minds Manatuto ho EB International School St. Paulo Methodist.

Eskola ne’ebé dau-daun ne’e submete mós dokumentu ba Ministériu Edukasaun hodi hein prosesu finál maka hanesan, SHINE International (foun) Manleuana, St. Jude Thaddeus Pre-Eskolar, Ensinu Báziku no Sekundáriu (Renova) Nopen / Alto PM, St. Mary’s (Pre-Eskolár) Bebonuk, St. Mary’s (Ensinu Báziku & Sekundária) ; (renova) Bebonuk, Funan International (foun), Dr. Azevedo Marçal (Foun Comoro), SAIS (International) Farol, Aikameli (Lokal) Kampung Baru, S. Paulo M. Metinaro (international) Metinaro, TAIS Dili (international) TAIS Díli (international).

Diretór GALA, António Tomás Maia, Sesta (13/03/2026), ba Rafa.tl iha nia servisu fatin, Díli, esplika entre eskola sira ne’e Ministériu Edukasaun konsidera eskola rua maka prenxe kategoria hanesan International, tanba hetan mós rekoñesimentu husi Instituisasun international ne’ebé fó lisensa inklui fasilidades no adota mos kuríkulu Timor-Leste nian iha sira nia Materia.

“Husi International School ne’ebé iha, eskola rua ne’ebé nia padraun aas, ne’ebé hetan lisensiamentu operasionál husi Ministériu, no sira mós hetan akreditasaun husi instituisaun akreditasaun rai-liur ho nível IB School,” António Tomás Maia afirma.

Ministériu Edukasaun mós nafatin fó xamada ba eskola internasionál sira atu bele kompleta dokumentu sira no sira ne’ebé maka lisensa (expire) ona tenke ba renova fila-fali sira nia dokumentu, hodi nune’e, labele fó impaktu ba estudante sira nia diploma, bainhira sira termina sira nia estudu.

‘’Eskola kuandu la iha akreditasaun, signifika sei iha problema ba sira nia diploma, sira atu asesu ba ensinu superiór, asesu ba transferénsia eskola ida ba eskola seluk, eskola kuandu la akreditadu ema sei la iha rekoñesimentu ba sira,’’ António Tomás Maia hateten

Ministériu Edukasaun mós kontinua husu ba eskola ne’ebé Ministériu Edukasaun identifika ona atu halo lisensamentu operasionál, no renova sira nia dokumentu atu bele hetan mós rekoñesimentu, hodi refleta ba padraun ne’ebé ezize, liu-liu refleta ba padraun internasionál.

Reportajen Ekipa Rafa.tl