play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Destaques

PNTL ho F-FDTL Prende Fugetes Husi Dirijente SNI Na’in-rua

todayNovember 9, 2025 270 8 5

Background
share close

Suspeitu na'in-rua nu'udár dirijente SNI tula sasan kontra bandu hatama mai Timor-Leste. Imajen/Espesiál

DILI, RAFA.tl– Ekipa konjunta husi Polísia Nasionál Timor-Leste (PNTL) ho FALINTIL-Forsa Defeza Timor-Leste (F-FDTL), Sábadu kalan (08/11/2025),  prende fugetes hamutuk packs 36 ne’ebé hatama husi dirijente na’in-rua husi Servisu Nasionál Intelijénsia (SNI).

Prova fugetes ne’ebé ekipa konjunta PNTL ho F-FDTL prende husi dirijente SNI na’in-rua. Imajen/Espesiál

Informasaun ne’ebé RAFA.tl asesu husi ajente servisu sekreta sira hateten, dirijente SNI  na’in-rua ne’e ba halo servisu iha Rejiaun Administrativu Espesiál Oé-Cusse Ambeno (RAEOA) no deskonfia liuhosi Atambua-Indonézia maka sosa fugestes sira ne’e tula iha karreta Estadu ne’ebé sira kondus hodi lori tama mai área teritóriu Timor-Leste liuhosi postu fonteira Motain.

Ekipa Konjunta PNTL ho F-FDTL halo operasaun no pasa revista iha Postu Administrativu Liquiça Vila, Munisípiu Liquiça, hale’u tuku 22:00 Otl, detekta karreta Estadu nian ida ho númeru matrikula 05-424 G ne’ebé kondus no transporta husi dirijente SNI na’in-rua ne’e tula sasan kontra bandu, hanesan fugetes.

Ekipa kunjunta PNTL ho F-FDTL asegura kedas nain ba fugetes sira-ne’e,  inklui asegura karreta Estadu ne’ebé sira kondus hodi submete ba indentifikasaun iha Komandu PNTL Munisípiu Liquiça.

Portavós PNTL interinu Superintendente Asistente Polísia Mouzinho T Correa ne’ebé Rafa.tl konfirma liuhosi telefone, Domingu (09/11/2025), hateten, parte seguransa asegura ona ema ho sasan sira iha Eskuadra PNTL Munisípiu Liquiça hodi hein prosesu tuir mai.

“Dirijente SNI nian na’in-rua; feto ida no mane ida,  ho karreta SNI nian ne’e agora submete hela ba identifiksaun. Ekipa konjunta  F-FDTL ho PNTL halo pasa revista  mak hetan. Agora sira na’in-rua iha hela hela Seksaun Investigasaun Komandu PNTL Munisípiu Liquiça,” Superintendente Asistente Polísia Mouzinho T Correa informa.

Kona-bá evidénsia fugetes ho karreta Estadu ho xapa mátrikula 05-424 G asegura ona iha Komandu PNTL Munisípiu Liquiça no Suspeitu na’in-rua identifika ona husi Komandu PNTL Munisípiu Liquiça hodi submete ba prosesu tuir mai.

Reportajen ekipa Rafa.tl

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!