Noticias

2031, EDTL E.P La Depende Ba Subsídiu Governu

todayOctober 6, 2026 74

Background
share close

Díli, 06 Outubru 2026 (RAFA) – Ministru Obras Públika (MOP), Samuel Marçal, afirma katak ho dezenvolvimentu fonte enerjia renovável sei ajuda hamenus kustu produsaun eletrisidade no hamenus dependénsia EDTL, E.P. ba subsídiu husi Governu iha  tinan 2031 ba oin.

Durante eventu asinatura akordu entre EDTL, E.P  no International Finance Corporation (IFC)  ne’ebé realiza iha Salaun Ministériu Obras Públika, Díli, Tersa-ne’e, Ministru Samuel Marçal, subliña katak nia parte kompromete on aba  Primeiru-Ministru katak iha tinan 2031  EDTL, E.P. bele hamriik mesak ona, katak  la presiza subsídiu husi Governu. Nune’e bele hatún presu eletrisidade  no osan ne’ebé Governu fó kada tinan ba  EDTL bele utiliza fali ba buat seluk  atu ajuda povu  liuliu iha área  aldeia, suku no to’o área rural sira.

Ministru Samuel Marçal esplika utilizasaun enerjia renovável  hanesan enerjia husi anin no loro-matan bele ajuda Timor-Leste hamenus kustu produsaun eletrisidade  no hamenus dependénsia ba kombustível ne’ebé importa husi rai-liur.

Nia hatete mós  Governu kontinua apoia dezenvolvimentu projetu enerjia renovável atu garante fornesimentu eletrisidade ne’ebé sustentável  no hamenus gastu Governu ba setór eletrisidade.

Ho implementasaun projetu enerjia renovável sira, Governu espera EDTL bele aumenta sustentabilidade finanseira  no osan ne’ebé antes uza ba subsídiu eletrisidade  bele aloka ba dezenvolvimentu iha área seluk,  inklui infraestrutura no servisu públiku iha área rurál.

Jornalista: João Carlos

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!