Noticias

2027, SEFOPE Prioritiza Formasaun Ba Joven Sira

todayOctober 22, 2026 108

Background
share close

Díli, 22 Outubru 2026 (RAFA)- Sekretáriu Estadu Formasaun Profisionál no Empregu (SEFOPE), Rogério Araújo Mendonça,  hatete, iha Orsamentu Jerál Esatadu (OJE) 2027 ne’ebé Governu aloká ba SEFOPE  hamutuk millaun 11-resin USD sei tau prioridade ba formasaun joven sira.

Sekretáriu Estadu Rogério Araújo Mendonça, ba jornalista sira iha Parlamentu Nasionál, Kinta-ne’e,  informa katak husi OJE 2027  ne’ebé SEFOPE iha, sei reforsa ba programa empregu temporariu, pograma formasaun ba iha Sentru Formasaun no sei estabelese mós Sentru Formasaun iha Munisípiu sira hodi prepara joven sira asesu ba  merkadu traballu ne’ebé mak empregadór sira  presiza.

“Prioridade ba tinan oin mak tenke haforsa formasaun liuliu prepara ita nia joven sira ne’ebé mak mai ho kualifikasaun hodi hatán ba merkadu traballu tantu iha rai laran no mós iha rai-liur,” Sekretáriu Estadu, Rogério Araújo Mendonça hateten.

Sekretariu Estadu Rogério Araújo Mendonça haktuir katak,  ezekusaun Orsamentu Jerál Estadu ba tinan 2026 nian SEFOPE atinje ona 74%, husi orsamentu ne’ebé ho montante millaun sia-resin.

Jornalista: Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!