Ouvir RAFA Ritmo, Voz e Coração de Timor
Díli, 21 Outubru 2026 (RAFA)— Ministru Asuntu Kombatente no Libertasaun Nasionál (MACLN) Gil da Costa Monteiro “Oan Soru” hatete, iha OJE 2027 ne’ebé Governu aloká ba MACLN ho nia instituisaun tutela sira hamutuk millaun 172.000 USD.
Iha audiénsia ho Komisaun F Parlamentu Nasionál, MACLN husu halo mudansa ba OJE 2027 no aumenta tan millaun-rua (adisionál) husi transferénsia públika mai iha kapitál dezenvolvimentu hodi bele selu kompaña sira ne’ebé kaer jardin erói sira ne’ebé atu halot restus mortais.
Ministru Gil da Costa Monteiro “Oan Soru”, esplika restu mortais ne’ebé MACLN tau prioridade ba iha tinan 2027 mak husi Munisípiu Ainaro hamutuk 2661, Natarbora iha 1.700, Iliomar 242 no Bobonaro ho totál 775.
“Planu prioridade Ministériu nian ne’e mak iha 2027 ami sei haloot, restu mortais iha Natarbora, Maliana, Iliomar, Ainaro,” hatete Ministru Gil da Costa Monteiro “Oan Soru” ba jornalista sira haoin audénsia ho Komisaun F Parlamentu Nasionál (PN), Tersa-ne’e.
Iha fatin hanesan, Prezidente Komisaun F, Deputada Maria Gorumali Barreto hatete, audiénsia MACLN kona-bá OJE 2027 nian no ezekusaun OJE 2026 nian.
“Ba OJE 2027 nian MACLN sofre redusaun maka’ás ba iha orsamentu MACLN nian mak iha orsamentu hamutuk millaun 172 USD ne’ebé mak ba iha MACLN husi kategória tolu saláriu vensimentu, bens servisu, no mós kapitál dezenvolvimentu, ne’e sofre redusaun hotu se ita halo komparasaun orsamentu jeral estadu 2026,” hatete Deputada Maria Gorumali Barreto.
Ezekusaun OJE 2026 MACLN nian atinje 69% ho nia kompromisu no obrigasaun sira atinje ona 72% husi OJE 2026 ne’ebé alokadu ba MACLN hamutuk millaun 199.000 USD.
Jornalista: Zita Menezes
Written by: RafaFM
MACLN Tau Prioridade Ba Haloot Restu Mortais iha Munisípiu Sira OJE 2027
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt