Noticias

19 Outubru, Komisaun G Hahú Audensia Públika ho Liña Ministériu Kona-bá OJE 2027

todayOctober 8, 2026 26

Background
share close

Díli, 08 Outubru 2026, (RAFA)- Prezidente Komisaun G Parlamentu Nasionál ne´ebé trata asuntu Edukasaun, Juventue, Kultura no Sidadania, Deputadu Armando Lopes, informa Komisaun G halo apresiasaun no aprová kalendáriu ba audiénsia públika tuir Projetu Proposta nu. 33/VI kona-bá Orsamentu Jerál Estadu (OJE) 2027 nian.

Deputadu Armando Lopes informa, komisaun G sei halo audiénsia públiku ho ministériu sira ne’ebé tutela iha Komisaun G nian mak hanesan, Ministéru Edukasaun, Ministériu Ensino Superíór Siénsia no Kultura, Ministéru Desportu Juventude Arte no Kultura no instituisaun relevante sira seluk.

“Iha data fixu ne’e mak iha loron 19 fulan-Outubru, ita hahú ona ho  kalendáriu audiénsia públika OJE 2027 ne’e ami aprová ho unanimidade, konkorda hotu depois iha kalendáriu ne’e sei kombina ho komisaun sira seluk,” Deputadu Armando Lopes inform aba jornalista sira, Kinta-ne’e iha PN.

Reprezentante povu ne´e esplika, objetivu husi audiénsia públika ne’e mak ministériu sira sei hato’o sira nia programa no sira nia estimasaun OJE 2027 nian ba Parlamentu Nasionál hodi bele halo debate antes aprová OJE 2027 nian ba liña Ministériu sira.

Audiénsia públika ne’e rasik sei halao durante semana ida nia laran hodi haré ba assuntu sira ne´ebé iha relevánsia ho montante orsamentu ne´ebé liña ministeriu sira aloka ona iha tetu OJE 2027 nian molok ba deskute iha plenaria.

Jornalista : Zita Menezes

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!