Ouvir RAFA Ritmo, Voz e Coração de Timor
Díli, 29 Outubru 2026 (RAFA)- Sekretáriu Estadu Komunikasaun Sosiál (SECOMS), Expedito Dias Ximenes ne’ebé partisipa reuniaun lidér Bankada iha Parlamentu Nasionál, Kinta-ne´e, informa lider bankada Parlamentár sira deside ona katak Parlamentu Nasionál sei hahú halo debate ba Orsamentu Jeral Estadu (OJE) 2027 ho montante billaun 2.5 USD iha faze jeneralidade iha loron 09-11 fulan-Novembru tinan ne´e.
“Depois enkontru ho lidér Bankada sira ikus mai proposta ne’ebé hato’o husi Prezidente Parlamentu Nasionál kona-bá data ka diskusaun ba debate Orsamentu Jeral Estadu 2027 mak hahú loron 09 to’o 11 fulan-Novembru, sei hahú debate Orsamentu Jeral Estadu iha jeneralidade,” hatete SECOMS Expedito Dias Ximenes .
Reprezentante Governu ne’e esplika debate OJE 2027 iha espesialidade sei iha pauza uituan, tanba Deputadu sira sei tuir Asean Interparlamentár Asosiasaun (AIPA, sigla inglés) iha Manila-Filipina, nune’e debate OJE 2027 espesialidade sei hahú iha loron 24 fulan-Novembru to’o remata (debate espesialidade ne’e ho durasaun tempu loron 10).
Jornalista: Zita Menezes
Written by: RafaFM
09-11 Novembru PN Debate OJE 2027 iha Faze Jeneralidade
todayNovember 20, 2026 11 2
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt