Desporto

Únika Golu Husi Novenia Lori Manufahi Halakon Lautem 1-0

todayNovember 10, 2026 20 2

Background
share close

Díli, 10 Novembru 2026 (RAFA) – Ekipa futebol feto Sub-17 Manufahi susesu avansa ba final Kopa Juvenil Sub-17 hafoin manán Lautém ho rezultadu 1-0, liu husi  golu únika husi jogadora Novenia de Araújo.

Duelo entre ekipa rua ne’ebé hala’o iha kampu futebol FFTL iha Díli, Segunda-ne’e, desde inisiu jogu ekipa rua lansa kontra atake ho balansu.

Tama ba iha minutu rua, sorte di´ak monu ba ekipa Maunufahi hodi lidera uluk ho score 1-0 liu husi jogadora Novenia de Araújo bainhira aproveita bola barullu iha área grandeal Lautem nian.

Ho golu sedu husi ekipa Manufahi nian ne’e obriga ekipa rua  lansa presaun ba malu ho agresivu hodi buka oportunidade m arka golu, maibé to’o termina jogu primeira parte matein 1-0.

Kontinua ba jogu segunda parte, ekipa Manufahi no Lautem hatudu kompetisaun ne’ebé intensa, hodi troka kontra-atake entre ekipa rua.

Durante jogu, ekipa rua buka malu nia frakeza liuhusi kombinasaun pase no movimentu ofensivu. Maibé, iha tempu hanesan mós hatudu organizasaun defensiva atu taka dalan ba oportunidade golu.

Tama ba iha minutu 67, Lautem hetan oportunidade osan-mean hodi halo balansu ba score liu husi suta penalidade.

Jogadora Francelina Viegas ho númeru kamizola 8 ne’ebé ezekuta  prnalidade ne’e la konsege aproveita hodi produs golu tanba bola penalidade nian ne’e sei bele antisipa husi guarda rede Manifahi.

Maski Lautem esforsu atu buka golu empate, Manufahi kontinua mantein nia balansu entre defeza to’o termina jogu  segunda parte nian ho rezultadu 1-0.

Vitória ne’e lori ekipa futebol feto Maunfahi sub-17 hakat ba final hodi kontra ekipa Dili Leste ne’ebé maka avansa uluk ona ba final hafoin manán nia adversáriu Oé-Cusse ho rezuladu 17-0.

Jornalista: Davilio Valdamir/Marito da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!