play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Timor-Leste Sofre Derrota Kontra Vietnam 0-7 iha Jogu Dahuluk ASEAN Hyundai Cup 2026

todayJuly 25, 2026 30

Background
share close

Ekipa Selesaun Nasionál Timor-Leste hahú nia jornada iha ASEAN Hyundai Cup 2026 ho rezulatadu derrota kontra Vietnam ho score 0-7. Imajen/ASEAN Cup

Díli, 25 Jullu 2026 (RAFA.TL)- Ekipa Selesaun Nasionál Timor-Leste hahú nia jornada iha ASEAN Hyundai Cup 2026 ho rezulatadu derrota kontra Vietnam ho score 0-7 iha jogu dahuluk Grupu A.

Jogu ne’ebé hala’o iha Chonburi Stadium, Bang Pla Soi, Tailándia, Sesta-kalan, ekipa selesaun nasionál Vietnam hahú jogu ho ritmu aas no kontrola jogu husi inísiu.

Husi primeira parte to’o remata, Vietnam kontinua hatudu dominasaun iha posse bola, kria oportunidade barak no pressiona Timor-Leste laiha para, hodi konfirma nia kualidade hanesan  ekipa jigante iha rejiaun ASEAN.

Jogu foin hala’o minutu minutu hitu, Vietnam loke score hafoin Hêndrio simu pase ida iha laran área penalti.  Ho kontrolu di’ak no remata kalma guarda-redes Timor-Leste atu salva Dilan Nyski la konsege salva, ho nune’e, ekipa selesaun Estrela Dourada lidera ho score 1-0.

Golu sedu husi Vietnam halo ritmu jogu sai lalais liután. Iha minutu 31, Vietnam marka tan golu ida hodi muda aumenta score sai 2-0 liu husi Nguyễn Đình Bắc ho remata forte ne’ebé la fó oportunidade ba guarda-redes Timor-Leste atu salva bola.

Vietnam aumenta presáun. Iha minutu 41, Hêndrio fila-fali marka nia golu daruak hafoin aproveita bola barullu iha área grandeal laran halo rezultadu sai 3-0.

Liu deit minutu ida, iha minutu 42, Nguyễn Đình Bắc marka nia golu daruak hodi muda rezultadu ba 4-0.

Iha tempu adisionál primeira parte (45+1′), Rafaelson aproveita oportunidade ida iha área penalti hodi lansa tan golu ida hodi hatuur score sai 5-0, molok termina jogu primeira parte.

Kontinua ba jogu segunda parte, Vietnam kontinua kontrola lala’ok jogu. Iha minutu 65, Nguyễn Đình Bắc kompleta hat-trick ho remata ida loos, halo rezultadu sai 6-0.

Golu ikus akontese iha minutu 79, bainhira L. F. Farrugia tenta hasai bola husi área defesa, maibé bola tama ba redi nia baliza, no rejista hanesan auto golu, hodi taka rezultadu ho score 7-0.

Ho vitoria ne’e, Vietnam hahú lidera iha grupu A ho três pontus, enkuantu Timor-Leste sei buka hadi’a nia desempeñu atu enfrenta jogu sira tuir.

Iha grupu A kompostu husi ekipa lima mak hanesan Vietnam, Kambodia, Indonézia, Singapura no Timor-Leste.

Jornalista: Davilio Valdemir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!