Timor-Leste Derrota 0-3 Hasoru Indonézia

Ekipa selesaun nasionál Indonézia selebra vitória hafoin manán Timor-Leste score 3-0 iha jogu Grupu A hosi ASEAN Hyundai Cup 2026.

Díli, 01 Agostu 2026 (RAFA.TL)—Selesaun Nasionál Timor-Leste sofre derreta ho score  0-3 husi Indonézia iha jogu kontinuasaun grupu (A) ASEAN Hyundai Cup 2026, ne’ebé hala’o  iha Estádiu Chonburi, Tailándia, Sesta-ne’e.

Desde inisiu jogu armada Lafaek,Timor-Leste ho Garuda Muda, Indonézia, hatudu jogu ne’ebe furak, no Selesaun Nasionál Timoroan sira-nian ne’e joga ho koidadu tanba  sofre ona derrota dala rua  iha lala’ok hala’o jogu  grupu (A) ASEAN Hyundai Cup 2026.

Tama ba minutu neen, Indonézia hetan oportunidade rua, maibé seidauk bele marka golu. Remata husi Ivar Jenner salva husi guarda-redes Dylan José, no bola rebate ne’ebé Rayhan Hannan tenta aproveita mós kona-bá trave.

To’o minutu 15, liña defensivu Timor Leste sei kontinua solidu hodi la fó fatin ba ekipa Garuda Muda  atu dezenvolve nia atake tanba Timor-Leste organiza di’ak nia defeza no disiplina iha área rasik. Maibé, tama ba minutu 21, Timor-Leste tenke joga ho jogadór  na’in-10 hafoin Jackson Pereira simu kartaun amarelu daruak tanba komete erru hasoru Thom Haye.

Maske soldadu Lafaek joga  ho na’in-10, maibé mantein solidu hodi fó presaun maka’ás ba ekipa Garuda Muda.  Ekipa selesaun nasionál Indonézia tenta lansa kontra atake oioin, kruzamentu sira ne’ebé halo husi ekipa treinadu husi John Herdman kontinua trava husi liña defeza Timor-Leste.

Menus jogador ida, Timor-Leste kontinua fó difikuldade ba Indonézia liuhosi kontra-atake ne’ebe lais, maibé seidauk lori ameasa boot ba baliza Indonézia.

Iha segunda parte, to’o minutu 55, Timor-Leste kontinua hatudu kontra-atake lalais ne’ebé organiza husi ekipa treinadu husi Ze Pedro.

Tama ba iha minutu 74 , Timor Leste konsege sofre golu ida ne’ebe marka hosi jogador Shayne Pattynama, ne’ebé aproveita pase rasteiru ida no lori Garuda Muda lidera ho score 1–0.

Iha minutu 78, Indonézia aumenta vantajen ba 2–0 liuhosi suta livre direta husi Thom Haye.

Liu deit minutu tolu, iha minutu 81, Mitchell Baker marka golu datoluk liuhosi aproveita kruzamentu rasteiru ida, halo Indozézia lidera ho score 3–0  no score refere mantein to’o termina jogu segunda parte vitória ba selesaun Garuda Muda.

Formasaun Timor-Leste: Dylan Jose; Liam Farrugia, Jackson Pereira, Claudio Gomes Osorio, Ryan Harris; Joao Rangel, Zenvio Mota, Xavi Arrarte, Zion Cruz, Olagar Malik; Jao Varudo.

Formasaun Indonézia: Cahya Supriadi; Jordi Amat, Wahyu Prasetyo (Sandy 54′), Brian Fatari (Shayne 54′), Tim Geypens (Ragnar 66′), Marc Klok (Dony Tri 66′), Ivar Jenner, Thom Haye, Rayhan Hannan (Egy 46′), Eliano Reijnders, Mitchell Baker.

Jornalista: Davilio Valdamir