Ti-Oan Fintech Nu’udár Aplikasaun Ne’ebé Fásil Halo Transferénsia no Sosa Pulsa Telemóvel ho Pulsa Eletrisidade

Komunidade sira hakbesik ba Ti-Oan Fintech hodi buka hatene kle'an benefisiu husi utiliza aplikasaun Ti-Oan Fintech ba halo tranferensia osan husi konta bankaria hodi sosa pulsa eletrisidade no pulsa telemovel ho fasil no lais. Imajen/Rafa.tl

DILI, RAFA.tl – Kliente sira ne’ebé uza aplikasaun Ti-Oan Fintech ka karteira dijitál konsidera aplikasaun Ti-Oan  fásil liubá halo transferénsia no sosa  pulsa telemóvel ho pulsa eletrisidade.

Notísia Relevante: Empreza Ti-Oan Fintech ho Banku Mundiál Deskute Pontu Importante Rua Ba Dezenvolvimentu Empreza Nian

Ti-Oan Fintech, nu’udár empreza subsidiáriu husi grupu empreza Esperança Timor Oan (ETO) hanesan investimentu ne’ebé bele kontribui ba diversika ekonomia nasionál no absorve kampu servisu ba Timor oan iha rai-laran.

Kliente Ti-Oan, Martinho Soares Tasi ba Rafa.tl iha Tasi-Tolu iha ámbitu Feira Nasionál loron Proklamasaun Independénsia, Sábadu (29/11/2025) konfesa katak nia hanesan kliente ba iha Ti-Oan Fintech konsidera Ti-Oan fasilita tebes nia iha tempu ne’ebé maka nia presiza urjénsia atu halo transferénsia osan husi nia konta bankaria ba nesesidade sosa pulsa telefone no pulsa eletrisidade.

“Aplikasaun Ti-Oan ne’e fasilita tebes ha’u ho família sira hotu bainhira iha tempu ne’ebé urjente, fasilita ami hodi sosa sasán sira, hanesan sosa pulsa eletrisidade no pulsa telemovel tanba iha tempu kalan ka iha tempu ne’ebé susar tebes, ahi mate eletrisidade derrepente tanba pulsa hotu, Ti-Oan bele fasilita ami,” Martinho Soares Tasi hateten.

Nia haktuir, antes nia seidauk uza aplikasaun ida-ne’e, nia hetan informasaun husi mídia sosiál  hanesan, Tiktok no Facebook. Nune’e, nia rasik hakbesik ba iha empreza Ti-Oan hodi instala aplikasaun ne’e iha nia telemóvel.

Nia haktuir, dau-daun ne’e nia uza Ti-Oan Fintech maka hodi halo kompras, halo tranzasaun osan husi konta bankária mai Ti-Oan, tanba nia sente katak iha Ti-Oan seguru liu no gratuita, ho ida-ne’e, maka halo nia konfortável tebes uza aplikasaun Ti-Oan.

“Ha’u uza aplikasi Ti-Oan ne’e asesu ba rai osan iha ne’ebá atu bele fasil sosa neseasidade urjensia no fasil hanesan sosa pulsa telemovel no pulsa eletrisidade. Basta iha rede internet, ita bele sosa pulsa eletrisidade no pulsa telemovel  ho fasil,” Nia haktuir

Kliente Ti-Oan ne’e mós rekomenda ba ekipa Ti-Oan atu nafatin halo sosializasaun ba  aplikasaun ida ne’e ba ema hotu-hotu, tanba ema barak mak seidauk koñese liu.

“Sira iha Munisípiu barak mak husu, oinsá mak  bele uza aplikasaun ida-ne’e. Bele sosializa mós ba ema seluk ka ba iha komunidade sira seluk ne’ebé presiza atu utiliza ba sira nia nesesidade lor-loron,” Martinho Soares Tasi hateten.

Reportajen ekipa Rafa.tl