Setembru, Federasaun Cricket Realiza Kompetisaun Super League

Federasaun Cricket Timor-Leste hala'o formasaun.

Díli, 31 Agostu 2026 (RAFA) – Modalidade Cricket Timor-Leste sei realiza eventu kompetisaun Super League iha loron 26 fulan-Setembru ne’e .

Inisiativa federasaun Cricket realiza eventu ne’e ho objetivu halo selesaun ba atletas sira ne’ebé hatudu talentu di’ak nune’e ba futuru Federasaun bele prepara ba kompete iha eventu nasionál no rejionál sira .

Sekretaria Jerál Federasaun Cricket Timor -Leste, Mariana Dias Ximenes hateten, kompetisaun  Timor -Leste Super League ne’e hala’o sei fó prioridade liu-ba partisipante sira husi Munisipiu sira komesa husi idade tinan 28 to’o 100 atu bele kompete .

“Super League ida ne’e rasik atu haré talentu ida ne’ebé di’ak, atu nune’e ita bele fasilita sira hodi tuir kompetisaun ne’ebé planeadu ona husi Cricket rasik, eventu kompetisaun ne’e rasik, la’ós iha Dili de’it, maibé, hau hanoin sei lori ba iha Munisípiu Manatuto,’’ Mariana Dias Ximenes hateten ba jornalista sira, iha knar fatin, Segunda-ne’e.

Ezekutiva Federasaun ne’e , afirma tan katak eventu ne’e sei partisipa husi ekipa feto no mane,  hamutuk  ekipa 16  envolve husi  ekipa feto ualu no ekipa mane  ualu.  Nune’e, ekipa sira ne’e bele kompete iha ne’eba, komu voluntariu mós ami presiza   ema 500 mak orsida sei partisipa  iha eventu refere.

Nia akresenta kona -bá kompetisaun ne’ebe federasaun realiza baihira kuandu partisipante sira hetan vensedór maka parte husi federasaun esforsu hodi prepara prémiu  ba manan nain sira tuir saida mak federasaun iha.

“Jogu ida ne’e sei hahú iha 26 Setembru sei termina iha fulan-Novembru nia laran. Premiu ne’e dala ida tan tanba ida ne’e laos apoiu husi parte hot-hotu, Maibe, ho  esforsu husi federasaun nia estrutura liu-liu iha sekretaria jerál nomos nia prezidente ami fó ne’e tuir kbiit ne’ebé ami iha,” Sekretaria Jerál Federasaun Cricket Timor -Leste ne’e haktuir.

Nia mós fó hanoin katak kompetisaun sira ne’ebé modalidade Cricket Timor -Leste realiza ho esforsu prepara rasik sira nia rekursu finanseiru hodi realiza atividade kompetisaun sira. Maibé seim hetan apoiu finanseiru ruma husi parte Governu.

Jornalista: David Gonçalves