Desporto

Santa Cruz F.C Planeia Rekruta Jogador Estranjeiru Na’in-haat

todayNovember 6, 2026 18

Background
share close

Díli, 06 Novembru 2026 (RAFA)- Klube Primeira Divizaun Santa Cruz F.C prepara atu hametin ekipa hodi hasoru kompetisaun Liga Timorense époka 2026–2027 ho estratejia rekuta jogadór estranjeiru na’in-haat.

Treinadór Santa Cruz F.C, Miguel Soares ba RAFA iha FFTL, Sesta-ne’e, hatete katak Santa Cruz F.C prepara atu lori jogadór estranjeiru na’in-haat, ne’ebé sei mai husi nasaun Afrika no Indonézia.

“Ami prersiza rekruta jogador estranjeiru na’in-haat husi Afrika no Indonézia. Ami sei kompete hanesan époka liubá no sei diak liu fali ida-ne´e,” Miguel Soares. aifrma

Maski nune’e, nia seidauk hakarak divulga naran no identidade jogadór estranjeiru sira tanba konsidera nu’udar segredu internu klubu. Informasaun kona-ba reforçu hirak ne’e sei fó sai bainhira sira hahú tama iha prosesu treinamentu hamutuk ho ekipa.

Iha parte seluk, Santa Cruz F.C mós prepara atu aumenta forsa plantel ho jogadór foun balun ne’ebé iha esperiénsia joga ona iha Liga Timorense, ho objetivu atu hametin kapasidade ekipa no hasa’e kompetitividade iha époka foun.

Miguel Soares esplika Santa Cruz F.C hasoru mudansa iha kompozisaun plantel tanba jogadór balun deside sai husi klubu, maibé situasaun ne’e la afeta preparasaun ekipa atu enfrenta kompetisaun.

“Ida ne’e ba ami hanesan treinadór la iha impaktu boot, tanba jogadór balun de’it mak sai, maibé maioria sei kontinua iha Santa Cruz. Kona-ba jogadór sira ne’ebé sai, ami hanesan treinadór no manajamentu labele tahan sira, tanba ne’e desizaun husi jogadór sira. Ami la kesi kontratu no momentu ne’e sira livre tranferensia,” nia esplika.

Treinadór ne´e hatutan katak to’o agora jogadór Santa Cruz F.C na’in-tolu ka na’in-haat mak sai ona, maibé maioria plantel sei hela no kontinua servisu hamutuk atu prepara ekipa ba kompetisaun.

Jogadór antigu na’in-tolu husi Santa Cruz F.C ne’ebé konfirma ona sai husi klube mak Mário Quintão, Amâncio Soares Araújo no Paulo Godinho Gusmão.

Liga Timorense époka 2026-2027, ne´e sei realiza fulan dezembru tinan ne´e, ba primeira divizaun sei kompete husi klubu 10 mak hanesan Karketu Dili F.C, Santa Cruz F.C, AD SLB, Emmanuel F.C, F.C Portu Taibesse, Coracao DIT F.C, Assalam F.C, AD Santo Antonio no Hibers F.C.

Jornalista: Davilio Valdamir/Marito da Costa

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!