Ró Lusitánia Hahú Hikas Operasaun no Vijilánsia Hafoin Manutensaun

Ró Lusitánia husi Unidade Polísia Marítima hahú hikas operasuan hafoin manutensaun. Imajen/Rafa.tl

DILI, RAFA.tl–  Komandante Unidade Polísia Marítima (UPM), Superintendente Polísia Eugénio  Pereira, hatete ró Lusitánia husi Unidade Polísia Marítima nian, ne’ebé durante halo manutensaun husi Empreza Ataúro Express iha tinan 2025, hahú hikas halo operasaun no vijilánsia iha tasi hodi haré nia progresu  Manutensaun.

Nia afirma  orsamentu ne’ebé prevé ba manutensaun Ró Lusitánia husi Unidade Polísia Marítima ne’e  hamutuk rihun $250.

“Agora dadaun nia prosesu manutensaun remata, iha ona progresu di’ak. Ohin, ami halo ona ninia prosesu dada Sitryle, koko ró iha tasi, atu nune’e, haré ona nia progresu ba iha manutensaun ne’e to’o ona iha ne’ebé,” Superintendente Polísia Eugénio  Pereira ba jornalista sira iha Palásiu Governu, Sesta (17/10/2025).

Nia hatutan ró Lusitánia kuaze tinan sanulu resin la halo manutensaun tanba ne’e ho orsamentu jeral do estadu tinan 2024, hodi prevé halo manutensaun ba ró ne’e, agora husik tun ona ba tasi, atu  haré nia evaluasaun  ba manutensaun.

Prosesu manutensaun ba ró Lusitánia ne’e, involve mós husi ekipa tékniku ne’ebé mai husi Polísia Marítima rasik no mós mai husi kompañia Ataúro Express hodi halo observasaun direta ba iha funsionamentu ró ne’e rasik, liu-liu iha ninia ekipamentu esensiál sira mak hanesan mákina, parte navegasaun ho téknika nian, hodi haré, serake iha ninia funsionamentu ba iha komponente sira ne’e, bele funsiona ho di’ak.

“Husik tun ba tasi ne’e hodi haré nia jestaun ba navegasaun ró Lusitánia ne’e rasik, haré utiliza iha ninia meios operasoens hodi lansa ninia rápidas halo sira nia movimento vizilánsia iha área kosteiru.” Nia haktuir.

Nia esplika, durante prosesu ekipa tékniku sira akompaña ró Lusitánia nia operasaun iha sesta ne’e hahú  husi Díli bá Ataúro to’o aban sábadu fila  mai,  sei aprejenta relatóriu ba Komando Jeral PNTL.

Dadaun ne’e Unidade Polísia Marítima iha ró lima, ne’ebé ró Lar rua koloka iha Postu Polísia Marítima iha Beacou Batugadé Munisípiu Bobonaro, Ró lar ida koloka iha Com Munisípiu Lautém, no Ró lansa rápida ida iha Ataúro, no iha Díli ró rápida iha rua. Durante ne’e uza hodi halo movimentu hodi responde ba situasaun sira iha tasi.

Komandante UPM ne’e, fundamenta kona-ba ró rua ida ró Inviud ho ró Kay-Rala, Ekipa Téknika husi Unidade Polísia Marítima halo hela levantamentu, hodi haruka ba Komandante Jeral PNTL, atu halo manutensaun.

Reportajen ekipa Rafa.tl