play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Noticias

Reuniaun Xefe Estadu CPLP 2026 Sei Hala’o Via Online

todayJanuary 8, 2026 40 18

Background
share close

PM Xanana Gusmão hasoru malu ho PR José Ramos-Horta iha Palásiu Prezidensiál, Kinta (08/01/2026). Imajen/Rafa.tl

DILI, RAFA.tl–Prezidente Repúblika (PR), José Ramos-Horta, Kinta (08/01/2026), liu husi enkontru semanál ho Primeiru-Ministru (PM), Kay Rala Xanana Gusmão,  informa katak reuniaun Xefe Estadu nasaun sira ko’alia lian portugés (CPLP, sigla portugés) ba tinan 2026 sei halo via online.

Notísia Relevante: Timor-Leste Hahú Halo Preparasaun Simu Primeiru-Ministru Anthony Albanese

Primeiru-Ministru Kay Rala Xanana Gusmão hatete,  dau-daun  ne’e Timor-Leste (TL) assume hela Prezidénsia CPLP no tinan 2026 sei iha atividade lubuk ida, liu-liu iha loron 17 fulan-Jullu nu’udár komemorasaun tinan-30  CPLP.

“Prezidente Repúblika, José Ramos-Horta mós atualiza katak, reuniaun nível Xefe Estadu CPLP nian sei realiza via online hanesan mós enkontru sira ne’ebé realiza ona durante tempu COVID-19 nian. Kona-bá ne’e desizaun ikus sei informa hikas, tanba sei iha atividade barak ne’ebé sei hala’o hosi Ministériu Negósiu Estranjeiru no Kooperasaun (MNEK),” Primeiru-Ministru Kay Rala Xanana Gusmão haktuir ba jornalista sira.

Timor-Leste sai ona hanesan membru plenu Asosiasaun Nasaun sira Sudeste Aziátiku nian (ASEAN, sigla inglés), maibé servisu seidauk hotu. Tanba ne’e, atualiza katak, buat hotu-hotu ne’ebé Governu halo bazeia de’it ba regra ASEAN nian tanba ne’e bainhira ministru ida partisipa atividade ASEAN nian tenke informa ba Konsellu Ministru (KM).

Reportajen ekipa Rafa.tl

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!