Ramos-Horta Ofisialmente Inaugura Voo Dahuluk Aero Díli Ba Kuala Lumpur

Voo dahuluk Aero Díli ba Kuala Lumpur-Malázia, Sábadu (28/03/2026). Imajen/Rafa.tl

DÍLI, RADFA.tl– Prezidente Repúblika (PR), José Ramos-Horta, Sábadu (28/03/20026), ofisialmente inaugura voo dahuluk Aero Díli ba Kuala Lumpur no Kuala Lumpur mai Díli, ho rotasaun semana ida dala-rua iha Tersa-feira no  Sábadu.

Notísia Relevante: Governu Hahú Diskusaun ho Aero Dili Kona-bá Preparasaun Sira Timor-Leste Asume Prezidénsia ASEAN iha 2029

Prezidente Repúblika, José Ramos-Horta, iha diskursu hateten, inaugurasaun rota foun ne’e importante tebes atu fortalese relasaun bilaterál entre Timor-Leste no Malázia, no mós  fó oportunidade ekonómia, turizmu no negósiu buras liután.

Xefe Estadu Timor-Leste subliña katak konetividade aéreu importante tebes ba dezenvolvimentu nasaun nian, tanba ho konetividade ne’ebé iha bele fasilita atividade hotu-hotu ba kresimentu no sustentabilidade povu nian.

“Ha’u sempre apoiu maka’ás Timoroan sira-nia insiativa ne’ebé iha. Sempre apoia, negósiu  iha aviasaun kompleksu no komplikadu, kustu operasaun todan tebe-tebes, konetividade ba ita importante teb-tebes. Desde uluk kedas, ha’u mak husi kotuk apoiu maka’ás,” Ramos-Horta hateten.

Xefe Estadu apresia ho na’in ba Aero Díli, Lourenço de Oliveira ne’ebe hanesan empreza Timoroan dahuluk  mak investe iha área aviasaun no mós atividade negósiu sira seluk.

Ministru Transporte no Komunikasaun, Miguel Marques Gonçalves Manetelu, apresia ba na’in ba empreza Aero Díli Lourenço de Oliveira no ekipa tomak Aero Díli nian, ba sira nia inisiativa importante ida ne’e.

“Transporte aéreu sai nu’udar servisu-xave ida, ba movimentu ema no sasan mai ita-nia rain no husi ita-nia rain ba rai-li’ur, no sei tulun atu dudu dezenvolvimentu industria turistika, komersiu no negosius seluk, maibe liu-liu atu hetan konfiansa ba konetividade entre Timor-Leste no destinu rejionál no internasionais. Tanba ne’e, Governu sei esforsa atu kria kondisaun ba aumentu voo regulár ho opsaun barak liután,” Ministru Miguel Manetelu hateten.

Governante ne’e hatutan inisiativa ida ohin nu’udar inisiativa setór privadu nian rasik atu expande nia konetividade, maibe Governu haré katak ida-ne’e halo parte ba esforsu koletivu ida entre setor públiku no privadu, liu-liu, nu’udar ministériu ne’ebe tutela ba asuntu transportes nian, desde inisiu sempre apoia inisiativa hotu-hotu, liu husi Servisu sira Autoriadade Aviasaun Civil Timor-Leste (AACTL) no Administrasaun Aeroporto no Navegasaun Timor-Leste (ANATL), hodi fasilita iha prosesu tomak ba voo dahuluk nian.

Nu’udar kompromisu ida Governu nian mós atu mellora fasilidade sira Aeroportu nian, hasa’e koñesimentu ita-0nia autoridade no administasaun aeroportu nian, inklui hadia regulamentu nesesarius hodi garante kumprimentu ita nia rain nian ba kompromisu no padraun internasional iha setor aviasaun nian.

“Dezesu boa-viajem ba entidades hotu-hotu ne’ebé hola parte iha viajen ohin ba Kuala Lumpur no husi Kuala Lumpur mai fali Dili,” Miguel Manetelu hateten.

Diretór Ezekutivu Aero Díli, Lourenço de Oliveira, deklara katak rota Dili ba Kuala Lumpur sei halo regularmente atu responde ba nesesidade pasajeiru sira, inklui viajante negosiu, estudante no turista.  No kompromete atu fo servisu ne’ebé diak no seguru ba povu Timor-Leste.

“Rota foun ba Kuala Lumpur aumenta opsaun ida tan, tanba konektividade vó rejional ho Internasional, tanba Kuala Lumpur hanesan fatin ne’ebe konbitinente ba tranzitu ho opsaun vó barak,” Lourenço de Oliveira esplika.

Protokolu Kuala Lumpur mós loke prepara enkontru ASEAN iha 2029 iha Timor – Leste, Aero Dili Nakloke atu servisu hamutuk ho Komapnia Aero nasional Malázia nia hamutuk ho Batik Air Malaysia nian hafasil pasajeiru atu hili koneksaun voo, Aero Dili mós halo kooperasaun ho Mahakota Medikal Centre iha Malaka Malázia hodi fasilita maluk sira ne’ebé presija tratamentu saúde.

Vanatajen ne’ebé iha bele  simu pasiente ne’ebé Mahakota  Medikal Centre, hodi fornese servisu ne’ebé adekuadu tuir padraun, ho rota foun ida-ne’e bele atrai di’ak liután ema barak atu mai vizita Timor-Leste, tantu mai halo negosiu, no mai hanesan turista hodi kontinua fó apoiu iha aero nian.

Embaixador Malaysia mai Timor-Leste, Amarjit Singh hatete Aero Dili di’ak tebes ne’ebe hetan suporta maka’ás husi Governu, agradese bele halo voo ba Kuala Lumpur Malázia.

Iha voo dahuluk Aero Dili ba Kuala Lumpur-Malázia ne’e ho pasaijeiru na’in-93, ne’ebe sai husi Aeroportu Internasionál Presidente Nicolau Lobato iha oras tuku 08:00 dadeer.

Reportajen ekipa Rafa.tl