play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Ir para o álbum
  • play_arrow

    Ouvir RAFA Ritmo, Voz e Coração de Timor

Noticias

Sidadaun Estranjeiru Na’in-tolu Deskonfia Komete Krime Deskamiñu no Fraude Fiskál

todayAgosto 28, 2025 42 25

Fundo
share close

Sidadaun estranjeiru na'in-tolu partisipa iha audensia interogatóriu dahuluk iha TJPID, Kinta (28/08/2025). Imajen/Rafa.tl

DILI, RAFA.tl– Tribunál Judisiál Primeira Intánsia Dili (TJPID), Kinta (28/08/2025), halo interrogatóriu dahuluk ba arguido na’in-tolu ne’ebé deskonfia iha indísiu forte komete krime deskamiñu no fraude fiskál.

Notísia Relevante: Advogadu Empreza Seagoull Resort Deklara Atividade Jogu Online iha Otél Oe-Upu Legál

Arguido na’in-tolu ne’e, kompostu husi na’in-rua sidadaun estranjeiru ho nasionalidade Xina ho inisiál JO no WV ho na’in-ida sidadaun ho nasionalidade Indoneziu ho inisiál Z.

Iha interógatoriu dahuluk ne’e, Advogadu Januario Martins, ne’ebé fó asistensia bá arguido sira  solisita bá Ministériu Públiku (MP) atu  aplika medida koasaun termu identidade rezidénsia (TIR) bá nia kliente nian-tolu.

Ministériu Públiku rasik husu atu Tribunál Judisiál Primeira Instánsia Dili, aplika prestasaun koasaun bá sidadaun Xina na’in-rua no kada ema  ho osan $10,000.00 no bá sidadaun Indonézia atu aplika medida koasaun prestasaun ho valor osan $25,000.00, maibé defeza lakonkorda medida ida-ne’e hodi husu atu Tribunál aplika deit koasaun termu identidade rezidénsia (TIR).

Hafoin akompaña arguido na’in-tolu iha prosesu interogátoriu dahuluk ne’e, Advogadu Januario Martins, hateten bá jornalista sira katak Ministériu Públiku husu atu Tribunál Judisiál Primeira Instánsia Dili aplika prestasaun koasaun bá nia kliente na’in-tolu ne’ebé husi nasaun rua (Xina-Indonézia) ne’e ho osan, maibé hanesan defeza lakonkorda ho desizaun ida ne’e, nune’e defeza koopera bá nesesidade investigasaun ne’ebé sei lao hela, tan ne’e husu atu mantein aplika medida koasaun termu identidade rezidénsia.

“Iha promosaun Ministériu Públiku husu atu medida koasaun previsaun bá aujensia, tanba ema sira ne’e sidadaun estranjeiru, ho efeitu atu halo apreensaun bá sira-nia passaporte. Alende ne’e,  Ministériu Públiku husu atu aplika prestasaun kuasaun bá sidadaun Xinés na’in-rua kada ema  $10,000.00 no ba sidadaun Indonézia husu atu aplika medida kuasaun prestasaun  ho valor $25,000.00, maibe parte defeza lakonkorda ida-ne’e hodi husu bá tama nesesidade investigasaun, prontu, ita koopera bá nesesidade investigasaun ne’ebé mak sei lao, tanba ne’e mak husu atu aplika mantein medida kuasaun termu identidade rezidensia ka TIR, tanba ami haree katak medida kuasaun termu identidade rezidensia ka TIR bele konsidera adekuadu hodi aplika ba arguido sira iha prosesu ida-ne’e,” Januario Martins hateten.

Advogadu ne’e haforsa iha primeiru interogatóriu ne’e, Ministériu Públiku husu bá Tribunál atu hasai mandadu hodi detein sidadaun estranjeiru na’in-tolu mak hanesan sidadaun ho nasionalidade Xina na’in-rua no sidadaun ho nasionalidade Indonéziu ida tanba deskonfia iha indísiu ne’ebé komete krime rua, ida bolu naran deskamiñu no ida seluk bolu fraude fiskál.

Nia subliña, iha primeiru interogatoriu ne’e husi parte Ministériu Públiku sempre husu medida koasaun ida ne’ebé mak bele dehan katak aas oituan, maibe husi parte defeza nia pozisaun mak medida koasaun ne’ebé aplika no Tribunál tenke verifika hodi haree atu nune’e bele eskolla medidia koasaun ne’ebé mak serbe atu aplika hodi asegura prosesu investigasaun ne’ebé mak lao.

Antes ne’e, Polísia Nasionál Timor-Leste (PNTL) liuhosi Diresaun Servisu Investigasaun Kriminál, kumpri mandatu Tribunál Judisiál Primeira Instánsia Dili, ho Númeru Úniku Krime ka NUC 0037/24PGGCC, hodi halo buska domisiliáriu apreensaun no mandadu detensaun bá sidadaun Xinés na’in-rua no sidadaun Indonézia ida.

Buska domisiliáriu no aprensaun ne’e, PNTL hala’o iha Segunda (25/08/2025), haleu tuku 09:00 dadeer OTL, iha loja ida  iha  área Audian, Dili.

Iha buska ne’e halo loja na’in-sira hakfodak bainhira PNTL to’o iha sira-nia loja oin, hafoin to’o liu minitu balun de’it autoridade seguransa dada kedas Liña Polísia ka Police-Line.

Loja ne’e fó servisu bá Timoroan na’in-ualu, mane na’in-haat no feto na’in-haat, saláriu bá traballadór Timoroan tuir lei saláriu mínimu ne’ebé Timor-Leste adopta ona.

Iha buska ne’e, autoridade Polisiál mós halo identifikasaun bá estranjeiru na’in-tolu ne’e no foti mós evidénsia balun ligadu ho krime ne’ebé sira komete; krime fraude fiskál previstu iha artigu 314.

Husi buska durante oras-rua nia laran no autoridade seguransa mós asegura kedas sidadaun estranjeiru na’in-tolu ne’e hodi kontínua identifikasaun bá iha Komandu Jerál PNTL.

Julgamentu bá desizaun finál hodi aplika medida koasaun bá sidadaun estranjeiru na’in-tolu ne’e sei konitnua fali  iha Sesta (29/08/2025), tuku 14:00 OTL, iha Tribunal Judisial Primeira Instánsia Dili.

Reportajen ekipa Rafa.tl

 

Escrito por RafaFM

Avaliação

Notícias semelhantes

Quem Somos

Fundada por Nilton e Akita nos momentos difíceis pós-referendo, a Rádio Rafa nasceu como um símbolo de esperança e reconstrução em Timor-Leste. Foi a primeira rádio a surgir após a independência, reunindo jovens, espalhando alegria e dando voz a uma nova geração, mesmo quando muitos ainda viviam em casas feitas de cinzas, após a destruição provocada pela violência que se seguiu ao referendo de 1999, no qual os timorenses decidiram pela separação da Indonésia e pela construção de um país independente e livre.

Contactos
error: Content is protected !!