play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Ir para o álbum
  • play_arrow

    Ouvir RAFA Ritmo, Voz e Coração de Timor

Noticias

Eskola FINANTIL iha Regulamentu Bandu Estudante Ko’alia Liafuan La Apropriadu

todayAgosto 27, 2025 38 2

Fundo
share close

Diretór Eskola Sekundária Jerál Fitun Naroma Timor Lorosa’e (FINANTIL), Aniceito Berlelo. Imajen/Rafa.tl

DILI, RAFA.tl– Eskola hanesan fatin bá aprende no uma formasaun ida adekuadu no integradu, atu estudante sira aprende, sai ema ne’ebé edukadu no iha responsabilidade morál bá sosiedade.

Notísia Relevante: Ema Hotu iha Responsabilidade Morál Atu Tane Aas Dignidade Umana iha Sosiedade Timor-Leste

Diretór Eskola Sekundária Jerál Fitun Naroma Timor Lorosa’e (FINANTIL),  Aniceito Berlelo, bá jornalista sira, iha nia knar fatin, Comoro, Kuarta (27/08/2025) hateten, hanesan manorin no edukadór iha Eskola FINANTIL hola papel ida ne’ebé importante atu prevene degradasaun morál iha sosiedade, liu husi formasaun no edukasaun ne’ebé fó ka transmiti bá estudante sira iha eskola.

Diretór eskola ne’e hatutan banhira estudante sira hatudu komportamentu ne’ebé maka ladún diak iha eskola sempre fó sansaun tuir regulamentu interna ne’ebé maka iha hanesan reza iha ortori oin no halo buat seluk ne’ebé iha hodi muda hahalok ladiak sai ba di’ak.

“Lia-fuan ne’ebé la di’ak iha eskola maka labele tolok, labele hakilar malu, tanba iha ne’e ami iha ortoriu ne’ebé, dala-ruma ha’u hatete bá estudante  sira labele ko’alia lia-fuan ne’ebé la apropriadu, tanba ita iha ortoriu. Ho ida ne’e deit, dalaruma sira atu tolok mos susar la halimar, iha dader-dader sira reza ha’u sempre dehan, kunadu se maka tolok, Nain Feto la gosta, ida ne’e deit maka ami sempre fó hanoin liu husi mensajen moral Nai Maromak nian,” Aniceto Berlelo hateten.

Manorin Nain ne’e esplika liután katak, banhira estudante sira la respeita fasilidade eskola nian, eskola iha maneira rasik  atu fó sansaun bá estudante sira bazeia bá konkordansia ne’ebé eskola iha ho estudante sira inklui ho inan-aman sira.

Nia afirma, eskola iha integridade no identidade rasik, atu eduka estudante sira ne’ebé konsidera hanesan oan, no nudar jerasaun futuru Timor-Leste  nian.

“Ko’alia intergridade ne’e, ita nia dignidade, oinsá atu hanorin sira kuida ambiente ne’ebé ami iha, hanorin sira oinsá sira atu respeita malu, feto no mane, atu bele kuida malu, labele naran liman kona malu. Depois iha sala laran, oinsá atu respeitu professor sira, ida-ne’e maka ami hanorin hela sira kona-bá integridade,” Diretór eskola FINANTIL  ne’e hateten.

Aniceto Berlelo subliña bazeia ba kondisaun eskola ne’ebé ladun favoravel, públiku mós ladun respeita fasilidade eskola, hanesan riska moru eskola inklui mós fasilidade seluk eskola nia tuir sira nia hakarak. Nune’e, situasaun sira ne’e kontribui bá degradasaun morál tamba ne’e sempre halo esforsu atu prevene ho maneira ne’ebé posivel hodi garante sidadaun hotu-hotu moris ho livre no tuir orden públika no lei sira ne’ebé vigora.

Eskola FINANTIL kada fulan sempre mós halo servisu hamutuk ho Igreja Parókia São José Aimutin hodi fó formasaun espiritualidade ba estudante sira atu sira hetan formasaun ida integradu iha vida intelektuál no mós vida espírituál hodi kontribui bá halakon degradasaun morál iha sosiedade.

Reportajen ekipa Rafa.tl

Escrito por RafaFM

Avaliação

Notícias semelhantes

Quem Somos

Fundada por Nilton e Akita nos momentos difíceis pós-referendo, a Rádio Rafa nasceu como um símbolo de esperança e reconstrução em Timor-Leste. Foi a primeira rádio a surgir após a independência, reunindo jovens, espalhando alegria e dando voz a uma nova geração, mesmo quando muitos ainda viviam em casas feitas de cinzas, após a destruição provocada pela violência que se seguiu ao referendo de 1999, no qual os timorenses decidiram pela separação da Indonésia e pela construção de um país independente e livre.

Contactos
error: Content is protected !!