Prezidente Repúblika Agradese Governu no Parte Hotu Ne’ebé Kontribui Ba Susesu DIM 2026

Prezidente Repúblika, José Ramos-Horta.

Díli, 08 Agostu 2026 (RAFA)- Prezidente Repúblika, José Ramos-Horta, hato’o agradese ba Governu,  Federasaun Atletismu no parte hotu ne’ebé kontribui ba susesu Díli Internasionál Maratona 2026.

“Ha’u agradese ba federasaun atleta no atletizmu ba sira hotu-hotu, staff Prezidente Repúblika nian, Governu nian, seguransa nian, imi hotu ne’ebé kolabora ba eventu ida-ne’e,” Xefe Estadu hateten iha  nia diskursu enseramentu eventu DIM 2026, iha  Palásiu Prezidensiál , Sábadu-ne’e.

Eventu Díli Internasionál Maratona ne’e partisipa másimú husi atleta internasionál, nasionál, no bainaka importante internasionál  sira ho sosiedade Timor-Leste.

Tuir observasaun RAFA iha eventu Díli Internasionál Maratona hetan seguransa masimú husi parte seguransa nian, nune’e eventu ne’e la’o ho di’ak to’o remata.

Iha enseramentu Díli Internasionál Maratona    anúnsia no falhe mós premiu ba manán na’in sira ne’ebé partisipa iha eventu DIM 2026 ne’ebé partisipa mós husi  Vise-Primeiru-Ministru no Ministru Koordenadór ba Asuntu Ekonómiku no Ministru Turizmu no Ambiente Francisco Kalbuadi Lay, atleta seniór Rosa Mota husi Portugá, Embaixadora Portugál mai Timor-Leste no mós bainnaka importante sira seluk.

Jornalista: Zita Menezes