PNTL Asegura Komunidade sira Ne’ebé Tau Aifunan iha Semitériu Públiku sira iha Kapitál Dili

komunidade sira ba sunu lilin no tau aifunan iha Krús Boot hodi selebra loron matebian ka finadu. Imajen/Rafa.tl

DILI, RAFA.tl– Komandu Polísia Nasionál Timor-Leste (PNTL) Munisípiu Dili kompostu husi Polísia Eskudra Dom Aleixo, Veira Cruz, Kristu Rei, Nain Feto, Polísia Tranzitu, hamutuk ho Batalaun Orden Publika, Task Force, Ekipa Informasaun Kriminál, Konsellu Polisiamentu Komunitária (KPK)  no mós  ekipa konjunta entre PNTL ho F-FDTL apóiu malu iha terenu hodi fó seguransa ba komunidade sira ne’ebé lori aifunan ba tau iha semitériu públiku sira hodi prevene konflitu entre joven sira.

Notísia Relevante: Loron Matebian: Husu Ba Maromak Deskansu Rohan-Laek Ba Matebian Sira-Nia Klamar

Autoridade seguransa sira, liu-liu ekipa konjunta husi PNTL no F-FDTL hahú kedas asegura komunidade sira missa iha kada semitériu sira iha Dili hanesan Simetériu Santa Kruz, Becusse, Bidau, Raikotu, Marinir, Kakau Lidu,  Becora, ho Hera Sentral.

Komandante PNTL Minisípiu Díli, Superintendente Xefe Polísia Orlando Gomes ba Rafa.tl via WhatsApp, Domingu (02/11/2025), hateten husi dadeer to’o agora situasaun seguransa iha Kapital Dili, sei lao kontroladu, maske iha grupu balun konsumu tiua, maibé ekipa Patrullia konsege orineta sira fahe malu.

“Hahú husi dadeer to’o oras ne’e, situasaun seguransa sei la’o kontroladu, iha Hera Postu Administrativu Kristu Rei, iha grupu balun konsumu tua, maibé ita nia Patrullia orienta sira fahe malu, kona-bá serkulsaun movimentu  transporte iha  loron fiandu, ema balun ba tau aifunan iha simitériu sira kontrola maka’ás husi Polísia Tranzitu Dili, nune’e situaasaun seguransa kontrtoladu  ho hakmatek. Kona-bá insidente no asidente  husi dadeer to’o agora Komanadu PNTL Dili la rejista krime,” Superintendente Xefe Orlando Gomes informa.

Iha observasaun  Rafa.tl iha terrenu ba  loron finadu iha sidade Dili, haré katak Seguransa Polísia husi Eskudra Dom Aleixo, Veira Cruz, Nain Feto ho Kristu Rei,  Polísia Tranzitu,  no mós  apoiu husi  ekipa konjunta PNTL ho F-FDTL  fo seguransa ba komunidade sira ne’ebé iha  Dili hodi  tau aifunan iha simitériu sira ho hakamtek.

Sirkulasaun movimentu transporte  iha sidade Dili, la hanesan ho loron bain-bain tanba komunidade barak fila ba ida-idak nia munisípiu hodi selebra loron matebian hamutuk ho família sira.

Iha semitériu públiku Kakau Lidu autoridade lokál sira la autoriza vizitante sira tama ba área semitériu nian ho tranporte públiku, no prefere hotu lao ain deit hodi asegura labele iha engrafamentu .

Reportajen ekipa Rafa.tl