play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Play off ASEAN Hyundai Cup, Timor-Leste Manan Brunei Darussalam ho Score 3-0

todayJune 3, 2026 22

Background
share close

Timor-Leste susesu halakon Brunei Darussalam ho score 3-0 iha jogu dahuluk play off ASEAN Hyundai Cup 2026 ne'ebé mak realiza iha Hassanal Bolkiah Stadium, Teresa kalan (02/06/2026).

Díli, 03 Juñu 2026 (RAFA.TL)- Timor-Leste susesu halakon nia ekipa adversáriu Brunei Darussalam ho score 3-0 iha jogu dahuluk play off ASEAN Hyundai Cup 2026 ne’ebé mak realiza iha Hassanal Bolkiah Stadium, Teresa kalan (02/06/2026).

Iha jogu Play Off ne’ebé nakonu ho ambisaun halo ekipa Brunei Darussalam fó presaun ba Timor-Leste iha minutu dahuluk jogu hahú, maibé ekipa Timor-Leste halo kontrolu ba jogu hodi domina jogu ho persentazen kuaze 62 kompara ho adversáriu Brunei Darussalm.

Ekipa lafaek hahú domina jogu hodi fó presaun ba  Brunei Darussalam, ho tensi aas no joga bola badak hahú husi liña kotuk mak sa’e no halo kontrolu másimu ba bola ho pasazen sira ne’ebé akuradu halo liña klaran Brunei susar atu asegura nia área.

Movimentu Timor-Leste nian kontinua halo atake ho intensidade as nune’e tama ba iha minutu 28, João Rangel susesu marka golu ida ba rede Brunei Darussalam hodi muda score ba 1-0, hafoin simu asisten pasajen di’ak hosi nia kompatriota Claudio Osorio iha linña klaran.

Ho score refere halo ekipa Lafaek domina liu tan bola hodi halo presaun no lansa atake oioin atu aumenta tan score. Tama ba iha minutu 40, Brunei Darussalam tenke hala’o jogu ho jogadór sanulu de’it hafoin defeza husi Brunei Darussalam komete erru iha grande área no arbitu mós deside fó penalti ba Timor-Leste.

Zenivio Mota ne’ebé mak sai ezekutór ba penalidade ne’e susesu marka golu ba rede Brunei Darussalam hodi lori ekipa Timor-Leste ne’e lidera provizoriu ho score 2-1 to’o primeira parte  jogu termina.

Tama jogu Segunda parte, Brunei Darussalam ne’ebé joga ho jogadór na’in-10, difisil atu sai hosi presaun forte husi Timor-Leste ne’ebé kontinua aas.

Timor-Leste aumenta tan golu ida iha minutu 90 liu hosi jogador Oatansio Guterres hodi muda score 3-0, hafoin simu asisten hosi nia kompatriota Luis Figo iha parte loos iha grande area laran no golu ne´e mak termina ekipa rua nia jogu no Timor-Leste susesu lori fila vitóri.

Ho rezulatadu vitória 3-0 iha jogu dahuluk ne’e sai hanesan bukae no lori vantajen boot ba Timor-Leste iha jogu daruak ne’ebé mak se’i hala’o iha iha loron 09 fulan-Juñu ne’e  iha Malazia.

Jornalista: Davilio Valdamir/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!