Observadór Futeból Konsidera Zé Pedro La Hatudu Prestasaun Di’ak Hamutuk ho Selesaun Nasionál Timor-Leste

Observadór Futeból iha Timor-Leste, Gaspar Amaral,

Díli, 04 Agostu 2026 (RAFA.TL)- Observadór Futeból iha Timor-Leste, Gaspar Amaral, konsidera treinadór selesaun nasionál  Zé Pedro la hatudu prestasaun di’ak hamutuk ho selesaun nasionál kompara ho nia antesesór Fabio Magrão ne’ebé antes ne´e ho de’it jogadór nasionál sira, maibé iha prestasaun mézmu la boot liu, maibé bele responde ba espetativa ne;ebé amante futeból sira iha.

“Uluk Fabio mai kaer kuaze jogadór lokal de’it, diferente iha treinadór ida-idak mai ho nia vizaun, maibé ita kompara ho treinadór ida agora Fabio Marcial, ha’u gosta liu Fabio tanba Fabio hatene Timoroan nia karater,” Gaspar Amaral  haktuir ba RAFA.TL,  Tersa-ne’e.

Treinadór ne’e argumenta Timor ne’e la persiza joga halai.  Timor tenke joga tuir ritmu ida ne’ebe maka Timoroan nian, Timor hatene joga husi ain ba ain no nia konsege transforma ritmu jogu selesaun ida  nasionál Timor-Leste.

Iha tinan 2020, Federasaun Futeból Timor-Leste (FFTL) fó konfiansa ba treinadór Brazileiru, Fábio Magrão, atu lidera Selesaun Nasionál Timor-Leste. Iha períodu lideransa Fábio Magrão, selesaun nasionál Timor-Leste kontinua iha prosesu dezenvolvimentu no mantein pozisaun iha FIFA World Ranking.

Iha tinan 2020, Timor-Leste okupa fatin 196 iha FIFA Ranking. Tuir atualizasaun ofisiál FIFA iha loron 22 fulan-Dezembru 2022, ekipa nasionál mane Timor-Leste nafatin iha pozisaun 197, ho total pontu 860.45.

Durante nia tempu kaer responsabilidade ba Selesaun Nasionál Seniór no U-23 Timor-Leste entre tinan 2020 to’o 2022, Fábio Magrão kontribui iha preparasaun no dezenvolvimentu futebolista sira, liuliu iha nivel sub-23.

Prestasaun ida ne’ebé maka’as liu hosi treinadór Brasil ne’e mak lori Selesaun U-23 Timor-Leste hetan pozisaun terseiru lugar iha jogu AFF U-23 2022.

Rezultadu ne’e sai hanesan momentu importante ba futeból Timor-Leste tanba hatudu katak ekipa nasionál iha kapasidade atu kompete iha nivel rejionál ASEAN.

Husi tinan 2023 to’o 2026, evolusaun FIFA Ranking Selesaun Nasional Mane Timor-Leste hatudu katak ekipa nasional nafatin iha prosesu dezenvolvimentu no buka atu hasa’e nia pozisaun iha nivel internasionál.

Iha tinan 2023, Timor-Leste taka tinan ho pozisaun 200 iha FIFA World Ranking. Maski seidauk sa’e ba pozisaun aas, ida ne’e hatudu katak seleksaun kontinua mantein iha nivel kompetisaun internasionál.

Tama ba tinan 2026, Timor-Leste okupa pozisaun 201 iha Ranking FIFA nian, ho ninia klasifikasaun aas liu iha istória mak fatin 146 no klasifikasaun kraik liu mak fatin 206.

Iha konteksu rejiaun Ázia/AFC, Timor-Leste kontinua servisu maka’as atu hasa’e kompetitividade no aproxima ho seleksaun sira seluk iha rejiaun.

Jornalista: Davilio Valdamir