Desporto

Mushila F.C Termina Kontratu Treinadór Yusup Mamen Maulana no Jogadór Odan Prasetyo

todayOctober 9, 2026 51

Background
share close

Díli, 09 Outubru 2026 (RAFA)- Mushila F.C deside termina kontratu ho treinadór husi Indonézia Yusup Mamen Maulana no jogador estranjeiru Odan Prasetyo, tanba la hatudu prestasaun di´ak no la kontribui rezultadu jogu sira tuir espetativa ne´ebé klubu iha durante jornada haat iha Liga Futsal Timor-Leste.

Fundador Mushila F.C, Aking Ung ba RAFA iha Federasaun Futeból Timor-Leste, Kinta-ne’e hatete, desizaun ne’e mós bazeia ba diferensa entre espetativa klubu ho realidade ne’ebé akontese durante preparasaun no kompetisaun.

Nia hateten  antes tama liga, klubu akompanha prosesu treinu no try-out ba jogador sira, maibé depois tama kompetisaun, rezultadu la tuir espetativa.

“Saida mak klubu hakarak no espetativa klubu nian, ho realidade la hanesan. Ami akompaña sira durante treinu no try-out antes tama liga, maibé barak mak la tuir espetativa klubu nian,” Aking Ung hateten.

Hafoin jornada haat, kampeaun Kopa AFTL 2026 ne’ebé lidera husi treinador nasionalidade Indonézia Yusup Mamen Maulana ne’e hetan de’it vitoria ida, ho rezultadu seluk la fó pontu ne’ebé sufisiente ba ekipa. Situasaun ne’e sai razaun prinsipál ba klubu atu halo mudansa iha komisaun teknika.

Klubu agora buka treinadór foun atu bele lidera ekipa hahu husi jornada da-6 to’o jornada da-13, ho objetivu atu hadi’a performa no rezultadu Mushila F.C iha kontinuasaun kompetisaun.

Iha prosesu buka substitutu, Fundador ne’e hatete katak iha ona treinadór na’in-tolu ne’ebé halo komunikasaun ho klubu. Ida mak treinadór husi Indonézia, ne’ebé uluk sai asistente treinadór ba seleksaun nasional Indonézia.

Treinadór ne’e hatudu interese atu mai treina iha Liga Futsal Timor-Leste, liuliu tanba nia rona katak kompetisaun futsal iha Timor-Leste agora sai kompetitivu no hetan partisipasaun masimu husi jogador estranjeiru, inklui jogador sira ne’ebé iha esperiénsia joga iha Liga Indonézia.

Iha mós treinadór lokal ida ne’ebé koñesidu iha futsal nasional, ne’ebé agora provizoriamente livre hafoin la kontinua ho nia klubu. Treinadór ne’e mos hatudu interese atu ajuda Mushila F.C.

Iha mós opsaun treinadór seluk ne’ebé atualmente sei envolve iha Liga Futsal Timor-Leste, maibé tuir informasaun klubu, prosesu rezigna husi nia klubu atual sei lao hela antes bele halo desizaun final.

 Jornalista: Davilio Valdamir/ Nelson Dias

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!