Mundiál, Olanda Rekolla Vitória Da-huluk Hafoin Manán Suísa 5-1

Avansadu olandés Cody Gakpo (11) suta no marka golu dahaat hosi nia ekipa durante jogu futeból grupu F Kopa Mundiál 2026 entre Olanda no Suésia, iha Estádiu Houston, Domingu 21 fulan-Juñu 2026. Imajen/ AFP

Díli 21 Juñu 2026 (RAFA.TL)- Ekipa nasionál olandeza hatudu dezempeñu ne’ebé di’ak iha jogu daruak Kopa Mundiál 2026 hafoin Suísa manán ho score fantastiku 5-1.

Jogu entre ekipa rua ne’e halo iha Estádiu Houston, Domingu (21/06/2026), Olanda marka golu rua iha primeira parte liuhosi Brian Brobbey no Cody Gakpo aumenta golu rua iha segunda parte, ne’ebé taka ho golu sira hosi Crysencio Summerville no Suísa responde ho golu ida liu husi jogadór Viktor Gyokeres.

Olanda ataka kedas nia adversáriu desde jogu inísiu no tama ba minutu neen Olanda lidera kedas husi jogadór Brobbey hodi muda score ba 1-0.

Liu tiha minutu ida, Suísa responde kedas liuhosi Viktor Gyokeres, maibé nia suta kona deit poste no baliza Olanda Bart Verbruggen ho fasilmente salva ida-ne’e.

Avansadu olandés Brian Brobbey aumenta tan golu ida iha minutu 17 hafoin simu pasajen ida husi nia kompatriota Denzel Dumfries.

Ho golu rua, Suísa tenta halo fila-fali ameasa, maibé tama ba minutu 20, Suísa hahú halo presaun ba defeza olandeza.

Iha minutu 37, Suísa hetan oportunidade osan mean ida liu husi jogadór Gyokeres, ne’ebé tenta lansa suta direita, maibé bola salva hosi Verbruggen. Minutu haat liutiha, Suísa kuaze marka golu, tanba Yasin Ayari nia suta la liu de’it poste sorin.

Suísa iha oportunidade atu hatama golu iha minutu 45, ho Gustaf Lagebiergke ne’ebé marka kabesa iha suta livre Benjamin Nygren nian. Infelizmente, golu ne’e la permite tanba Lagebiergke  iha pozisaun offside.

Suísa kontinua ameasa iha tempu estra maibé score sei mantein too arbitu huu apitu ba intervalu.

Tama ba segunda parte, Olanda marka kedas golu datoluk iha minutu 54 liuhosi Gakpo liu husi atake ida ne’ebé hahú hosi parte loos hafoin liga ho Dumfries nia kruzamentu hodi muda score ba 3-0.

Olanda kontinua domina jogu no marka golu da-haat iha minutu 54 liu husi jogadór Cody Gakpo no Suísa hatán kedas iha minutu 59 liuhosi Anthony Elanga, ne’ebé foin tama hanesan suplente hafoin simu bola kruza husi Isak hodi hamihis score ba 1-3.

Ekipa rua kontinua lansa kontra atake ba malu iha  jogu segunda parte, maibé Olanda mantein domina bola no Summerville marka golu da-lima liu husi jogadór Summerville iha minutu 89 no ho golu ne’e mak termina ekipa rua nia jogu.

Ho vitória  ne’e, Olanda rekolla pontu haat husi jogu rua, manán ida no empata ida enkuantu Suísa rekolla pontu tolu husi jogu rua, manán ida no derrota ida.

Asiste transmisaun Kopa Mundiál liu hosi kanál ofisial iha Timor-Leste, NTV/ETO-Telco ho live streaming iha tv.timortelecom.tl

Jornalista: David Gonçalves/Editór: Vito Salvadór