Méxiku, Ekipa Dahuluk Hakat Ba Faze Eliminasaun Hafoin Manán Koreia-Súl 1-0

Luis Romo nia golu ajuda Méxiku manán Koreia-Súl hodi sai hanesan ekipa dahuluk ne'ebé maka hakat ba eliminatória Kopa Mundiál 2026. Imajen/AP

Díli,19 Juñu 2026 (RAFA.TL)- Méxiku hanesan ekipa dahuluk husi kontestante 48 iha Kopa Mundiál 2026 ne’ebé hakat ba faze eliminasaun hafoin manán nia adversáriu  Koreia-Súl ho score 1-0.

Tikete ba faze eliminasaun ne’e ekipa nasionál Méxiku hetan hafoin iha jogu rua grupu A faze apuramentu ekipa ne’e rekoolla pontu neen, no Korei-súl iha segunda klasifikasaun ho pontu ruak enkuantu Afrika-Súl no Republika Xeka rekolla deit pontu ida husi jogu rua.

Duelo entre Méxiku no Koreia-Sul realiza iha Estádiu Akron, Sesta (19/06/2026) no ekipa Méxiku manan jogu ne’e liu husi golu úniku ne’ebé marka husi jogadór Luis Romo iha minutu 50,  jogu segunda parte.

Iha primeira parte, jogadór Julián Quiñones iha oportunidade atu marka golu ba Méxiku, maibé asaun kabesada ne’e antisipa hosi guarda-redes Raul Rangel.

To’o minutu 30, Koreia-Sul seidauk konsege halo remata ida ba baliza. Maski hahú domina bola, Taegeuk Warriors nafatin hasoru difikuldade atu buka dalan ba defesa Méxiku too Parte dahuluk remata ho rezultadu 0-0.

Kontinua ba jogu segunda parte, Méxiku hahú ataka desde apitu hahú. Jesus Gallardo tama ba área penalti hosi sorin karuk no nia remata de’it kona iha rede sorin.

Golo úniku iha jogu ne’e akontese iha minutu 50 bainhira guarda-redes Kim Seung-gyu halo blunder hafoin la antispia bol ho diak. Luis Romo aproveita oportunidade ne’e no marka golo atu hodi lori nia equipa lidera ho score 1-0.

Depois golo ne’e, Koreia-súl Sul tenta responde, maibé Son Heung-min no nia kolega sira la konsege kria oportunidade klaru tanba organizasaun defesa forte hosi anfitriaun.

Iha minutu 75, Kim Seung-gyu halo salvamentu importante bainhira para remata forte hosi Raul Jiménez iha poste besik.

Koreia-súl Sul hetan oportunidade atu halo empata iha minutu 87 liuhosi tentativa rua segidu hosi Cho Gue-sung. Maibé guarda-redes Rangel konsege salva iha liña baliza no antisipa bola ne´ebé iha. To’o apitu final, Koreia-Súl la marka golu ruma no ekipa Méxiku mantein lidera ho rezultadu 1-0.

Asiste jogu kopa mundiál 2026 iha kanál ofisiál NTV/ETO-Telco ho tv.timortelecom.tl.

Jornalista: Davilio Valdemir/Editór: Vito Salvadór