play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Mauputar F.C Kontratu Treinadór Julinur Hafid husi Indonézia Ba Époka 2026

todaySeptember 1, 2026 42 3

Background
share close

Treinadór Julinur Hafid .

Díli, 01 Septemberu 2026 (RAFA)- Ekipa primeira divizaun Mauputar F.C halo ona kontratu ho treinadór Julinur Hafid hodi lidera ekipa ne’e iha liga Futsal Timor-Leste ba époka 2026.

Treinadór Julinur Hafid antes ne’e hanesan asistente treinador klubu Cosmo JNE, Profesional Futsal League (PFL) Primeira Divisaun Indonézia no lori esperiénsia di’ak atu fó kores foun ba Mauputar F.C iha jogu sira Liga Futsal tinan-ne’e.

Hafid Julinur ba RAFA, Tersa-ne’e, hateten iha tempu semana rua de’it atu prepara ekipa antes kompetisaun hahú. Iha treinu primeiru, nia foka liu ba observasaun kona-ba kapasidade jogador, inklui aspetu individual no tátika ekipa.

Treinadór ne’e hateten katak, maski tempu preparasaun badak, Mauputar FC tenke maksimaliza semana rua ne’e atu asegura ekipa prontu bainhira tama ba kompetisaun.

“Iha tempu semana rua ne’e, ami tenke maksimaliza preparasaun. Maski bele dehan tempu badak, hau sei esforsa atu fó buat hotu ne’ebé di’ak ba ekipa ne’e,” hatete Julinur Hafid.

Kona-bá objetivu, Hafid hateten katak nia ambisaun pesoál mak atu lori Mauputar FC to’o ba títulu kampeaun, maski jestór sira hatuur objetivu inisiál atu tama Final Four.

“Kada ekipa ne’ebé partisipa iha Liga tenke iha objetivu atu sai Kampeaun. Buat hotu ne’ebé ami treina mak atu buka títulu. Maski hosi manajementu objetivu mak Final Four, maibé hau nia objetivu mak Kampeaun,” nia afirma.

Iha treinu primeiru, jogadór hamutuk na’in 13 partisipa, enkuantu jogadór balun seidauk marka prezensa. Iha mos jogador husi Kupang, Indonézia, ne’ebé mai atu reforça ekipa.

Hafid hateten katak, antes Liga hahú, nia hakarak asegura katak skuad kompletu marka prezensa, tanba seidauk iha jogador lokal balun no jogador estranjeiru ida ne’ebé mai.

Ho tempu preparasaun ne’ebé limitadu, Mauputar FC sei kontinua foka ba aspetu individual no tátika, antes kompleta preparasaun ba kompetisaun Liga Futsal Timor-Leste.

Jornalista: Davilio Valdamir/ Marito Da Costa

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!