Ouvir RAFA Ritmo, Voz e Coração de Timor
Díli, 10 Novembru 2026 (RAFA) – Maudoco F.C susesu kebra nia ekipa adversáriu Saralima F.C ho score 17-2 iha kontinuasaun jogu Liga Futsal Timor-Leste Primeira Divizaun époka 2026.
Jogu entre ekipa rua ne’ebé halao iha kampu futsal F-FDTL iha Díli, Segunda-ne’e, iha inisiu kedas, ekipa Maudoco F.C domina bola hodi lansa kontra atake hasoru Saralima F.C.
Ho dominasaun bola ne’e konsege Maudoco F.C produs kedas golu haat tui-tuir malu ne’ebé kontribui husi jogador Bayu Bagaskoro iha minutu ida, Gilson da Silva Correia minutu tolu no Verito Fragoso minutu haat no iha minutu lima hodi lidera uluk 4-0.
Maske nune’e Saralima F.C konsege hamihis diferensa iha minutu 12 liu -husi jogador Frutuoso Guterres hodi muda score sai 4-1.
Maudoco F.C halo atake maka’ás hodi lulun Saralima F.C ho golu lima liu husi jogador Fregy Fernando iha minutu 15, Iqbal Alifefian minutu iha 17, Dewan Henuk minutu 18 ho 19 no Mateus Soares minutu 19 hodi taka primeira parte score 9-1.
Kontinua ba jogu segunda parte tensi jogu hahú manas liu tan. Maudoco F.C marka tan golu liu husi Jogador Fregi Fernando iha minutu 24 hodi hatuur score sai ba 10-1.
Lakleur deit, Saralima F.C aproveita tempu hodi hamihis score husi jogadór Camilo Guterres iha minutu 24 hodi muda score sai ba 10 -2
Atu besik termina jogu segunda parte, ekipa Maudoco F.C konsege marka tan golu hitu tuituir malu liu husi jogador Gilson Da Silva Correia iha minutu 25, Fregy Fernando minutu 26 , Acau Carvalho minutu 27, Dewa Henuk minutu 29, Fregy Fernando minutu 35 no minutu 37, Dewa Henuk iha minutu 39 hodi lori vitoria ba Maudoco F.C lidera ho score 17-2 mantein to’o termina jogu segunda parte. Remata.
Jornalista: David Gonçalves
Written by: RafaFM
Maudoco F.C Kebra Saralima F.C ho Score 17 -2
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt