Maudoco F.C Halakon Crazy Horse F.C 2- 0

Ekipa Maudoco F.C

Díli, 16 Setembru 2026 (RAFA)- Maudoco F.C halakon Crazy Horse F.C   ho score 2-0  iha jogu kontinuasaun primeira Divizaun Liga Futsal Timor-Leste 2026.

Jogu entre ekipa rua ne’ebé hala’o iha Kampu Salaun Futsal Kuarter Jenerál  FALINTIL-Forsa Defeza Timor-Leste  iha Díli, Kuart- ne’e, dezde inisiu jogu parte Maudoco F.C tun kedas ho ambisaun bo’ot , ho nune’e jogu fo’in hala’o Crazy Horse F.C, tenta fó presaun ba atu marka golu, maibé la konsege tanba defeza husi Maudoco F.C la fó Fatin.

Crazy Horse F.C, muda tátika jogu, tenta fó presaun bo’ot ba Maudoco F.C atu buka golu , liuhosi kontra no atake maibé difisil tebes tanba defeza husi ekipa rua nian solidu tebes, hodi salva bola ne’ebe  sutu  jogadór sira ,to’o jogu primeira parte skor nafatin 0 – 0.

Hakat ba jogu segunda parte tensi jogu komesa manas liu tan ba ekipa rua ne’e hodi lansa kontra atake ba malu ho ritmu ida-idak nian no tama ba iha minutu 24 ekipa Maudoco F.C  konsege lidera kedas ho score 1-0 liuhusi asaun jogador Dewa  Henuk.

Ho Score ne’e, halo jogu sai manas liután ba ekipa rua hodi lansa kontra atake ba malu no

Crazy Horse F.C koko atu halo empata jogu, maibé la konsege, nune’e oportunidade diak nafatin ba Maudoco Fc ,hodi aumenta tan golu ida, ba Crazy Horse F.C,   muda kuadru score sai ba 2-0 ,iha minutu 37,liuhusi jogadór Atai Pinto .

Iha minutu ikus atu termina jogu segunda parte, Crazy Horse F.C,  koko halo atake ho agresivu maibé la akontese golu, to’o termina Jogu segunda parte remata, lori Vitoria ba Maudoco F.C   lidera ho score 2-0.

Jornalista: David Gonçalves