Desporto

Maudoco F.C Domina Jogu Hodi Halakon Nia Adversáriu Ramelau F.C 5-1

todayOctober 25, 2026 26

Background
share close

Díli, 25 Outubru 2026 (RAFA)-Ekipa Maudoco  F.C  susesu halakon nia adversáriu Ramelau F.C ho score  5-1 iha jogu kontinuasaun Liga Futsál  primeira divisaun.

Duelo entre klubu rua hala’o iha kampu Futsal F-FDTL, Díli, Sábadu- ne’e,  hahú kedas ho ambisaun bo’ot hodi buka oportunidade atu marka golu.

Jogu primeira parte tama ba iha  minutu 17,  ekipa Maudoco  F.C. susesu lidera uluk  golu  ida  liu-husi  jogadór Bayu Bagaskoro  hodi halo score sai ba 1-0.

Ho score ne’e  lori ekipa rua  nafatin mantein ritmu jogu ho intensidade aas  hodi buka oportunidade atu produs golu.

Oportunidade hirak ne’e  la lori vantanjen di’ak ba ekipa rua atu  produs golu, nune’e to’o termina jogu primeira parte score matein 1-0.

Hakat ba segunda parte, tensi jogu komesa manas liután.  Ekipa rua lansa kontra no atake ba malu. Nune’e, tama ba iha minutu 23, atake husi ekipa Ramelau  F.C halo bola barullu iha liña defeza ikus mai konsege produs  golu  ba ekipa Maudoco F.C liu husi jogadór  Samuel Da Cruz hodi muda score ba 1-1.

Maudoco F. C  hasa’e liután sira nia  esperitu vontade jogu, nune’e tama ba minutu 28 jogadór Denilio Pinto marka  tan golu ba Ramelau F.C hodi muda score iha kuadru  sai ba 2-1.

Rejultadu score  ne’e fasil liu ba Maudoco F. C tanba maioria domina liu meiu kampu hodi aumenta tan golu tolu ba  Ramelau F.C liu-husi jogadór Ikbal Alifefian iha  minutu 34, Gilson Correia  iha minutu 36 no iha minutu 38 Ikbal Alifefian  hodi xave vitória ba Maudoco F.C lidera ho score 5-1 mantein to’o termina jogu segunda parte.

Jornalista : David Gonçalves/Nelson Dias

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!