play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Matheus Cunha no Vinicius Junior Lori Selesaun Samba Ba Faze Eliminatóriu

todayJune 20, 2026 17

Background
share close

Lincoln Financial Field nakonu ba Brazil hasoru Haiti iha Kopa MUndiál 2026. Imajen/ REUTERS

Díli 20 Juñu 2026(RAFA.TL)- Jogadór ekipa Brazil (Seleção Samba) Matheus Cunha no Vinicius Junior susesu marka golu tolu ba ekipa Haiti iha jogu daruak faze apuramentu Kopa Mundiál 2026.

Brazil manán ekipa Haiti ho score 3-0 iha Kopa Mundiál 2026. Imajen/REUTERS

Rezultadu ne’ebé ekipa Samba gaña ne’e no lori Brazi ba faze eliminatoriu. Iha jogu ne’ebé hala’o iha  Estádiu Filadélfia, Estadus Unidus, Sábadu (20/06/2026), Brazil domina kedas jogu iha inísiu primeira parte no lansa atake ba adversáriu hodi buka vitória atu asegura fatin ida iha faze eliminatoriu 32 nian.

Jogadór Brazil Matheus Cunha marka golu dahuluk iha minutu 23 no muda kedas score ba 1-0. Brazíl kontinua domina jogu no lansa tán golu daruak ba sira-nia adversáriu ekipa Haiti liu Matheus Cunha nia trave iha minutu 39 hafoin aproveita kruzamentu husi Vinicius Junior husi baliza parte karuk.

Jogu ne’e paradu ba tempu badak hafoin Casemiro halo falta ba jogadór Haiti, Josue Casimir iha minutu 41, laiha kanek grave, no jogu kontinua.

Vinicius Junior marka golu ba ekipa Haiti iha minutu 45+3 hafoin simu asistensia husi Lucas Paqueta no ho golu ne´e halo, ekipa Carlo Acelotti nian mantein nafatin sira nia vitórai to’o apitu lian ba intervalu.

Tama ba segunda parte, Haiti halo mudansa oioin ba sira nia ekipa iha inísiu jogu, no ekipa rua halo jogu ida iha balansu, no oportunidade di’ak liu ba Haiti mosu iha minutu 63.

Ricardo Ade hetan espasu iha kaixa penalidade hodi kabesa bola kantu ne’ebé iha, maibé bola dirije ba sentru baliza no guarda rede konsege blokeia.

Brazil hahú halo substituisaun no hatama mós jogadór estrella Endrick no avansadu ikóniku ne´e konsege marka golu ida iha minutu 78, maibé arbitu anula tanba konsiderasaun offside.

Brazil kontinua domina, maibé laiha golu ruma. Árbitru huu apitu finál ba segunda parte. Brazil manan ho 3-0 hasoru Haiti. Rezultadu ida-ne’e tau sira iha pozisaun dahuluk grupu C ho pontu haat no kualifika ba ronde 32.

Asiste transmisaun direta kopa mundiál 2026 iha NTV/ETO-Telco no live streaming iha tv.timortelecom.tl

Jornalista: David Gonçalves/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!