play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Maske Derrota ho Arjentina, Cabo Verde Manán Respeitu no Prestíjiu Mundiál

todayJuly 4, 2026 32

Background
share close

Guarda-rede Cabo Verde, Josemaria Vozinha sai hanesan eroi jogu sira husi inisiu to'o jornada 36 Kopa Mundiál 2026. Imajen/Goal.com

Díli 04 Jullu 2026 (RAFA.TL)- Prezidente-Republika (PR), José Ramos-Horta, hanesan adeptu ekipa Cabo Verde iha Kopa Mundiál 2026, hateten ekipa Selesaun Nasionál Cabo Verde manán respeitu no prestíjiu mundiál maske derrota ho Arjentina iha faze eliminatória Kopa Mundiál 2026.

Notísia Relevate: Ramos-Horta husu “Maromak Nia Bensaun” Atu Cabo Verde Manán Arjentina ho Messi

“Cabo Verde la manán jogu ida-ne’e, maibé manán  naran, prestíjiu, fó inspirasaun  iha mundu tomak. Parabéns boot ba  Cabo Verde. Haú nia sinseru kalorozu parabéns ba ekipa selesaun nasionál Cabo Verde,” Ramos-Horta  ba Rafa.tl iha edifisu ETO-TELCO (NTV & RAFA), iha Pizu Sete TORRETO, Díli, Sábadu (04/07/2026).

Prezidente Republika mós aprésia luta ne’ebé selesaun nasionál Cabo Verde halo, hahú  husi inisiu jogu to’o faze jornada 32 Kopa Mundiál 2026, to’o enfrenta ekipa zigante hanesan Arjentina.

“Sira halo jogu ida ne’ebe diak tebes, ohin, hasoru selesaun nasionál Arjentina ne’ebé númeru um iha mundu, kampiaun mundiál, no halo  jogadór estrela mundiál Leonel Messi araska, harè sira nia oin deit, Messi nia oin durante jogu ne’e estres los, ne’e rai kikuan ida hanesan laho mak hasoru tigre,” tenik Ramos-Horta.

Xefe Estadu Timor-Leste ne’e hatutan, Cabo Verde hatudu futeból ne’ebé aas no kompetitivu durante kopa  mundiál no Prestasaun ne’e hatudu Cabo-Verde la tama iha kompetisaun atu kompleta deit númeru, maibé kompete ho laran tomak no luta to’o minutu ikus ho disiplina, determinasaun ne’ebé sira hatudu. Cabo Verde manán respeitu, prestíjiu no admirasaun husi amante futeból iha mundu tomak.

Durante Jogu Mundiál ne’e, Cabo Verde halo jogu tolu iha faze apuramentu ho empata tolu hasoru Español, Arabia Saudita no Uruguai. Hakat ba faze eliminatória Cabo Verde sofre uniku derrota hasoru Arjentina.

Jornalista: Marito da Costa/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!