Maroko Hakat Ba Kuartu-Finál Hafoin Manán Uma-Na’in Kanadá 3-0

Selebarasaun sira bainhira jogu termina entre Kanadá no Maroko. Imajen/FIFA

Díli, 05 Jullu 2026 (RAFA.TL)- Ekipa Selesaun Nasionál Maroko asegura billete ida iha kuartu-finál Kopa Mundiál 2026 hafoin halakon ekipa uma-na’in Kanadá ho score 3-0.

Liu husi jogu jornada 16 Kopa Mundiál 2026 ne’ebé hala’o Estádiu Houston, Domingu (05/07/2026),  Maroko sai hanesan ekipa dahuluk iha edisaun Kopa Mundiál hodi avansa ba kuartu-finál hafoin manan uma-na’in Kanadá liu husi golu rua Azzedine Ounahi no Soufiane Rahimi nian.

Kanadá joga ho agresivu liu iha inísiu jogu nian. Jogadór Tani Oluwaseyi hetan oportunidade osan-mean ida iha minutu 10 hafoin ultrapasa defeza Maroko nian iha área penalti nia laran, maibé guarda rede Yassine Bono halo salvasaun ne’ebé maka’as hodi asegura oportunidade ne’e.

Kanadá kontinua atu fó presaun ba defeza Maroko nian iha jogu sira primeira parte nian. Oportunidade sira ne’ebé Kanadá iha seidauk rezulta golu ruma no obriga ekipa rua tenke halo esforsu maka’ás liután.

Tama ba iha minutu 40, tensaun sira mosu hafoin konfrontu entre Achraf Hakimi no Richie Laryea, nune’e árbitru Michael Oliver fó kartaun mean ba jogadór rua ne’e.

Jogu entre ekipa selesaun nasionál rua ne’e la konsege produs golu ida to’o árbitu lian fó sinál intervallu prmeira parte.

Tama ba segunda parte,  ekipa rua ne’ebé joga ho de’it jogadór na’in-10 tenke halo esforsu Estraordináriu.

Maroko domina kedas jogu no lansa kedas atake no halo golu iha minutu 50 liu husi jogadór Azzedine Ounahi hodi muda score ba 1-0.

Kanadá aumenta sira nia intensidade atake nian hodi buka empata. Maibé, Maroko mantein dixiplina iha defeza enkuantu hein oportunidade sira hodi lansa kontra-atake sira.

Tama Iha minutu 82, jogadór Azzedine Ounahi hetan fali oportunidade daruak hodi marka tan golu ida ba nia ekipa no muda score ba 2-0 hafoin simu asistensia husi Brahim Diaz iha área penalidade adversáriu nian.

Kanadá kontinua halo esforsu, maibé Maroko hahuúhalo jogu barak liu iha nia área defeza hodi asegura vitória ne’ebé iha. T

ama ba minutu 90+8 tempu estra nian, Maroko aumenta tan golu ida liu husi Soufiane Rahimi.

La iha tan golu ruma akontese to’o jogu termina no vitória ne’e lori ekipa Maroko hakat ba kuartu-finál Kopa Mundiál 2026, enkuantu uma-na’in Kanadá tenke satisfaz ho rezultadu hodi la avansa ba faze tuir mai.

 Jornalista: David Gonçalves/Editór: Vito Salvadór