play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Makikit Laulara Kontinua Lidera Tabela Klasifikasaun Liga Timorense Hafoin Manán AS Marca 2-0

todayJuly 13, 2026 122

Background
share close

Jogu AD SLB Laulara vs AS Marca. Imajen/LFTL

Díli, 13 Jullu 2026 (RAFA.TL)- Ekipa AD SLB Laulara (Makikit Laulara) kontinua lidera tabela klasifikasaun Liga Timorense primeira Divizaun époka 2026 hafoin manán  nia adversáriu AS Marca ho score 2-0.

Iha jogu ne’ebé hala’o iha Estádiu Munsipál Díli, Domingu-ne´e, ekipa AD SLB Laulara halo jogu ho konviksaun forte atu rekolla pontu tolu hodi asegura sira nia pozisaun iha tabela klasifikasaun liga Timorense époka ne´e. Ho nune’e,  desde inisiu jogu ekipa Makikit Laulara lansa kedas atake ba adversáriu As Mraca.

Tama ba minutu hitu, ekipa Makikit Laulara hetan premiu penalidade ida hafoin jogadór adversáriu hamonu jogadór AD SLB Laulara, Vabio Canavaro, iha área penalidade laran no jogadór Mouzinho de Lima ne’ebé hetan konfiansa hodi ezekuta penalidade ne’e ho susesu marka golu hodi muda score ba 1-0.

Hafoin golu ne´e ekipa As Marca hahú halo tranjisaun no hadi’a liña jogadór sira hodi halo solidu liután no lansa mós kontra atake ba adversáriu, maibé sei falla.

Ekipa rua laiha tan ida mak marka golu iha tempu sira primeira parte nian maske halo kontra-atake ba malu. Nune’e, to’o ba intervalu ekipa Makikit Laulara mantein lidera ho score 1-0.

Tama ba segunda parte, AS Marca aumenta intensidade jogu no hakarak halo empata, maibé ekipa AD SLB Laulara nia defeza sira joga ho disiplina no halo jogu ho di´ak hodi asegura sira nia baliza husi amiasa sira.

Tama ba minutu 54, ekipa AD SLB Laulara kontinua aumenta tan golu ida liu husi nia jogadór Vabio Canavaro Iha minutu 54 hodi muda score ba 2-0 hafoin aproveita bola kantu ne´ebé suta husi  Italo Soares Pimental.

As Marca kontinua halo mudansa ba tátika, maibé sei falla  nafatin iha ezekusaun finál ba bola.

Tama ba tempu estra jogadór Italo Soares Pimental iha oportunidade osan-mean atu marka golu ida, maibé sei falla tanba baliza adversáriu hatudu performa ida di’ak hodi salva bola ameasa ne´e. ho nune’e, jogu termina ekipa AD SLB Laulara mantein lidera ho score 2-0.

Ekipa Makikit Laulara kontinua kontinua lidera tabela klasifikasaun  provizóriu Liga Timorense ho pontu 19, enkuantu AS Marca kontinua iha zona degradasaun ho pontu tolu.

Jornalista: Marito da Costa/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!