Desporto

Liga Voleibol Primeira Divizaun, ADR União Halakon Kablaki ho Rezultadu 3–1

todayOctober 29, 2026 20

Background
share close

Díli, 29 Outubru 2026 (RAFA) – Ekipa voleibol feto ADR União susesu halakon nia adversáriu  Kablaki ho rezultadu 3-1 iha jogu kontinuasaun Liga Voleibol Timor-Leste Primeira Divizaun Époka 2026 ne’ebe hala’o iha Jináziu Desportu Díli (GDD), Kuarta-ne´e.

ADR União hahú jogu ho dominasaun iha set dahuluk, liu husi bloku no defeza no kombina ho atake neebe efetivu konsege manán Kablaki ho diferensa pontus ualu 25–17.

Kontinua ba set daruak, Kablaki halo esforsu masimu no tenta hodi  responde forsa husi ADR União maibé ADR União kontinua hatudu nia kualidade hodi manán tan ho ho diferensa pontu tolu  25–22, hodi hametin nia pozisaun iha jogu ne’e.

Tama ba iha set  datoluk, maske Kablaki simu uluk derota rua iha set dahuluk no daruak Kablaki la entrega an. Iha set datoluk, Kablaki konsege responde hodi manan hikas set datoluk ho vitoria 25–16 ho nunee obriga ekipa  rua tenke hakat too set haat.

Tama ba iha set dahaat, ADR União fila fali atu domina jogu no manán ho rezultadu 25–18. Rezultadu ne’e garante ADR União asegura Vitoria 3–1.

Vitória ADR União ne’e la haketak husi kontribuisaun jogadora estranjeira rua, Claudia Amelia Reva no Ade Oktavian Safitri, ne’ebé sai hanesan figura importante iha ekipa ne’e hodi produs pontus barak liu.

Kablaki mós hametin nia ekipa ho jogadora estranjeira sira, hanesan Meidy Rodili, Rosalina Bony no Maria Floresita. Prezensa jogadora hirak-ne’e sai parte importante husi esforsu Kablaki atu hasoru ADR União iha jogu refere.

Jornalista: Davilio Valdamir

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!