Desporto

Liga Voleibol, Matebian Simu Derrota husi Daçuate

todayOctober 29, 2026 16

Background
share close

Díli, 29 Outubru 2026 (RAFA) — Ekipa voleibol mane Daçuate susesu halakon  nia ekipa adversáriu Matebian Baguia iha jogu kontinuasaun Liga Voleibol Timor-Leste Primeira Divizaun, Époka 2026, ho rezultadu 3–1.

Jogu ne´ebé halao iha Jináziu Desportu Díli, Kuarta-ne´e, ekipa rua ne´ebé haforsa hotu husi  jogador estranjeiru halo jogu sai kompetivu hodi atrai adeptus volimania sira ne´ebé asiste direta jogu refere.

Daçuate kontinua halo rotasaun ba malu ho jogador estranjeiru na’in haat, hanesan Hendrik Mabela, Surya Putra, Melkior Thoda no Johanes Sandriano, ne’ebé sai forsa importante atu fó presaun maka’as ba ekipa Matebian. Rotasaun ne’ebé Dacuate aplika permite ekipa kontinua mantein intensidade jogu no fó difikuldade ba Matebian atu responde ba atake sira.

Maske ekipa Matebian Baguia mos haforsa husi jogador estranjeiru nain rua hanesan Boneventura Putra Haryanto no Widho Saputra. Iha set dahuluk, Daçuate hatudu nia dominasaun no manán ho diferensa pontu haat 25–21.

Kontinua ba iha set daruak, Daçuate kontinua hatudu dominasaun hodi manán tan ho pontus boot liu  ho diferensa pontus sia 25–16, hodi lidera 2–0.

Maski lakon iha set rua dahuluk la hamate espiritu kompetetivu ekipa Matebian Baguia nune’e, Matebian no konsege rekupera iha set datoluk, ho pontu 25–21, hodi hamenus diferensa ba 2–1.

Maibé, iha set dahaat, Daçuate fila fali ho nia forsa no konsege taka jogu ho pontu   25–18, hodi garante vitória 3–1.

Ho rezultadu ne’e, Daçuate konsege manán iha jogu ne’e, enkuantu Matebian tenke simu derrota iha kontinuidade kompetisaun Liga Voleibol Timor-Leste Primeira Divizaun Époka 2026.

Jornalista : Davilio Valdamir

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!