play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Liga Timorense, Santa Cruz F.C Halakon Adversáriu F.C Porto Taibesse 2-1

todayJuly 13, 2026 103

Background
share close

Santa Cruz vs Porto Taibesse, Segunda 13 Jullu 2026.

Díli, 13 Jullu 2026 (RAFA.TL)- Santa Cruz F.C halakon nia adversáriu F. C Porto Taibesse ho score 2-1 iha jogu kontinuasaun Liga Timorense Primera divizaun jornada da-hitu iha Estádiu Munisipál Díli, Segunda-ne’e.

Desde inísiu jogu ekipa rua hatudu kompetisaun ne’ebé maka’as, ho estratéjia lansa kontra-atake ba malu no defeza ne’ebé metin, hodi taka oportunidade sira atu marka golu.

Santa Cruz F.C ne’ebé mak domina liu bola desde inisiu konsege lansa sutu ameasa iha minutu 40 liu hosi jogadór Mario Quintão hafoin simu pase bola husi nia kompatriota Vincent Noerty, maibé konsege salva husi gurada rede F.C Porto Taibesse, Baptista Ola.

Tama ba iha minutu 42, Santa Cruz lansa ameasa dala ida tan liu hosi suta dook husi jogadór Ricardo Bianco,  maibé sutu maka’ás ho distánsia dook ne’e seidauk kona iha alvu.

Enkuantu atake ne’ebé lansa husi ekipa F.C Porto Taibesse defeza husi ekipa Santa Cruz FC mantein solidu hodi la fó fatin ba ekipa Portu Taibesse atu produs golu, ho nune’e, to’o termina jogu priemeira parte score mantein okulista 0-0.

Kontinua ba jogu segunda parte, jogu hahú intensidade aas hodi lansa kontra atake ba malu F.C Porto Taibesse ne’ebé ladun hetan bola konsege hetan oportundade hodi produs uluk golu ida liu husi jogadór Jardiel Piedade iha minutu 69.

Sofre ona golu ida halo ekipa Santa Cruz F.C  joga ho ofensivu hodi lansa atake hasoru F.C Porto Taibesse, ho nune’e, tama  ba iha minutu 82 Santa Cruz F.C konsege responde golu ida hodi halo balansu ba score sai 1-1 liu husi jogadór Amancio de Araujo.

Ho score refere jogu sai manas liu tan ba ekipa rua ne’e hodi lansa kontra atake ba malu no tama ba iha minutu 89, Santa Cruz F.C konsege lidera hikas ho score 2-1 liu husi asaun kabesada Romario Moniz to’o termina jogu segunda parte vitoria ba Santa Cruz F.C ho score 2-1.

Husi rezulatadu vitória ne’e hatuur ekipa Santa Cruz F.C iha pozisaun daruak Liga Timorense Primera divizaun ho pontu 17 husi jogu hitu. Enkuantu F.C Porto Taibesse mantein iha pozisaun da lima ho pontu neen husi jogu hitu, manán rua no  derota dala lima.

Jornalista: Davilio Valdamir/Editór: Vito Salvadór

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!