Liga Futsal Timor-Leste 2026, Mauputar F.C Susesu Halakon Caesar Dante F.C 4-1

Ekipa F.C Mauputar

Díli, 15 Setembru 2026 (RAFA)- Mauputar F.C susesu rekolla pontu tolu no halakon nia adversáriu Caesar Dante F.C ho score 4-1.

Iha  jogu jornada dahuluk Liga Futsal Timor-Leste primeira divizaun ne’ebé hala’o iha Kampu Futsal Kuartel Jerál FALINTIL-Forsa Defeza Timor-Leste (F-FDTL), Fatuhada, Díli, Tersa-ne’e,  inísiu kedas ekipa Mauputar F.C ne’ebé mak reforsa husi jogadór estranjeiru na’in-lima domina bola no halo presaun ba ekipa Caesar Dante F.C.

Esforsu husi Mauputar F.C ikus mai konsege hetan rezulatadu pozetivu iha minutu lima liu husi jogadór Oeston Bety, hodi muda score ba 1-0.

Ho golu ne’e obriga ekipa rua lansa kontra atake ba malu no ekipa Caesar Dante F.C ne’ebé mak sofre uluk golu ida tenta halo esforsu maka’ás ho nune’e tama ba minutu 19 konsege responde golu ida liu husi asaun Elmo Silva hodi halo empata ho score 1-1 to’o  jogu priemeira parte termina.

Kontinua ba jogu segunda parte,  tensi jogu kontinua manas liután ba ekipa rua ne’e hodi lansa kontra atake ba malu.

Tama ba minutu 24, Deston Betty susesu marka tan golu ida hodi lori nia ekipa Mauputar F.C lidera hikas ho score 2-1.

Iha minutu 26, Deston Betty kontinua marka golu da-tolu nian hodi haboot liután score ba 3-1.

Iha  fali minutu 28, Mauputar F.C haboot liu tan score ba 4-1 liu husi kapitaun Cesario Barreto, no to’o jogu termina  score mantein 4-1. Nune’e vitóri ba Mauputar F.C.

Husi rezulatadu vitória ne’e hatuur provizoriu ekipa Mauputar F.C iha pozisaun dahuluk ho pontu tolu husi jogu dala-ida.

Jornalista: Davilio Valdamir/ Fidelino Araújo