Ouvir RAFA Ritmo, Voz e Coração de Timor
Díli, 28 Outubru 2026 (RAFA) –Liga Futébol Timor-Leste (LFTL) époka 2026-2027 adia ba fulan-Dezembru, tinan ne’e, tanba Governu sei halo kompetisaun Festivál Nasionál Desportu (FND) ne’ebe realiza fulan-Novembru ne’e iha Estádiu Minisipiál Díli.
Prezidente Órgaun LFTL, Hipolito Soares ba RAFA konfirma katak razaun infra-estrutura liu-liu ba kampu ne’ebé atu utiliza ba hala’o jogu, dadaun ne’e Governu prepara ba halo jogu Festivál Nasionál Desportu.
“Ita tenke respeita tanba programa Festivál Nasionál Desportu. Entaun, ida ne’e ita lakohi para joga tiha dalan klaran perturba fali ho atividade Festivál Nasionál Desportu,” hatete Hipolito Soares, Kuarta-ne’e.
Lideransa órgaun liga ne’e afirma katak oráriu serteza ba realizasaun jogu Kick- Off sei hala’o iha loron 02 fulan-Dezembru ne’e no hetan aseitasaun husi klubu sira hotu.
Tuir nia, babain prosedimentu normal ida kampiaun ho ida ikus liu ne’e signifika klubu ne’ebé kampiuan SLB ho Hiber F.C ida ne’e ba abertura iha Gleno. Dadaun ne’e Hibers ho Santa Cruz prepara másimu ona.
Antes ne’e órgaun liga rasik hala’o ona enkontru ho reprezentante klubu no prezidente klubu primeira divisaun sira iha fulan kotuk liu ba, iha ona konkordansia atu partisipa iha liga époka 2026 -2027.
Jornalista:David Gonçalves
Written by: RafaFM
Liga Futébol Timor-Leste Époka 2026-2027 Adia Ba Dezembru
todayNovember 20, 2026 7 3
Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.
Copyright Rafa.tl - Desenvolvido por Justweb.pt