Desporto

LFTL Garante ho US$200.000 Sufisiente Organiza Liga Époka 2026-2027

todayNovember 11, 2026 28

Background
share close

Díli, 11 Novembru 2026 (RAFA) – Órgaun Liga Futébol Timor-Leste  (LFTL) garante ho montante orsamentu US$200.000  sufisiente organiza atividade jogu kompetisaun  ba époka 2026 -2027.

Prezidente LFTL, Hipolito Soares ba RAFA iha knar fatin, Tersa ne’e, hatete orsamentu ne’ebé Governu liu husi Ministériu Juventude Desporto Arte no Kultura  prevé hamutuk  US$200.000  bazeia ba akordu entre Ministériu Juventude Desporto Arte no Kultura ho Órgaun LFTL.

“Kaléndariu liga tuir rekezitus FIFA no AFC nian, dadauk ne’e ita armoniza hela para bele joga iha tinan ida ne’e,” subliña Hipolito Soares.

Nia hatutan ho ida ne’e orgaun liga  halo proposta ba governu espesikamente ba Ministériu Juventude Desporto Arte no Kultura  mós fó resposta ona orsamentu balun  ho valor US$200.000 liga mós asina ona akordu ne’e. Alende ne’e, iha proposta  US$300.000  ba primeira volta dadauk ne’e Governu responde deit US$200.000.

“Hau hanoin ida ne’e naton ba  jogu 25  no liga prepara ona oráriu fixu, ami mós ko’alia ona Governu depois tinan ida ne’e governu mós sei aumenta sei apoia tan osamentu restu balu para kompleta primeira volta liga mós planu segunda volta iha tinan oin,’’ esplika Prezidente LFTL ne’e.

Ezekutivu liga ne’e mós garante orsamentu sufisiente ba realizasaun jogu 25  ne’ebé tuir kaléndariu ofisiál ne’ebé husi parte orgaun liga prepara ona.

Nia mos relata kona ba orsamentu seidauk tama iha konta bankária orgaun liga nian, espera semana oin tama ona bazeia asina akordu iha semana kotuk liubá.

Antes ne’e Ministru Juventude Desportu Arte no Kultura Nélio Izac Sarmento ba RAFA hatete orsamentu ne’ebé governu prevé ba atividade jogu kompetisaun liga époka 2026-2027  ho totál orsamentu US$200.000 no husu orgaun liga atu jere orsamentu hirak ho responsabilidade nune’e bele responde ba jogu kompetisaun ne’e.

Enkunatu, tuir oráriu tentativa klubu Ad.Slb Laulara sei hala’o jogu kontra Klubu Hiber F.C iha kick -off iha loron 2  fulan dezembru ne’e.

Jornalista : David Gonçalves

Written by: RafaFM

Rate it

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!