play_arrow

keyboard_arrow_right

Listeners:

Top listeners:

skip_previous skip_next
00:00 00:00
chevron_left
volume_up
Go to album
  • play_arrow

    Ouvir RAFA Ritmo, Voz e Coração de Timor

Desporto

Kosta Marfim Avansa Ba Faze Eliminatóriu Hafoin Manán Curação 2-0

todayJune 26, 2026 11

Background
share close

Jogadóe sira Kosta Marfim nian selebra golu hasoru Curaçao. Imajen/ AFP

Díli, 26 Juñu 2026 (RAFA.TL)- Selesaun Kosta Marfim avansa ba faze eliminatóriu (Jornada 32) Kopa Mundiál 2026 hafoin halakon nia adversáriu Curação ho score 2-0 iha jogu ikus Grupu E, iha Estádiu Filadélfia, Estadus Unidus, Sesta (26/06/2026).

Kosta Marfim halo jogu ida ho ambisaun forte hakarak avansa ba faze eliminatoriu nune’e desde inisiu lansa kedas atake ba adversáriu hodi buka oportunidade atu marka golu.

Ekipa rua halo jogu ida ho ida-idak nia tátika, maibé Kosta Marfim kontinua domina bola hodi lansa bebeik ameasa ba adversáriu.

Tama ba minutu hitu, Kosta Marfim marka uluk golu ida liu husi nia jogadór Nicolas Pepe hodi muda score ba 1-0.

Hafoin golu ne’e ekipa rua mantein halo kontra atake ba malu no Kosta Marfim kontinua iha vantajen barak liu hodi marka golu, maibé sei falla.

Iha minutu 19, Amad Diallo hetan fali oportunidade osan-mean ida hafoin simu pasajen ida husi Yan Diomande, maibé nia remata sei dook husi alvu.

Besik intervalu, Curação aumenta sira nia intensidade atake nian. Tahith Chong lansa sutu ida hosi liur área penalidade nian iha minutu 40, maibé bola ne’e semo liu trave.

Liutiha minutu haat, Leandro Bacuna mós koko nia sorte, maibé nia suta sai dook. Nune’e, score 1-0 mantein to’o jogu primeira parte termina.

Hafoin deskansa, Kosta Marfim kontinua hatudu sira nia efisiénsia. Iha minutu 64, Ibrahim Sangare halo pasajen ida ba área penalti ne’ebé hasoru hosi Nicolas Pepe no jogadór refere marka tan nia golu daruak iha minutu 64 hodi muda score ba 2-0.

Ekipa Kosta Marfim kontinua kontrola jogu no la fó espasu ba Curação halo jogu no ekipa rua mantein iha balansu no laiha tan golu ruma akontese too jogu termina.

Ho rezultadu ne’e, Kosta Marfim termina nia jornada iha faze apuramentu hanesan segundu kampeaun grupu E ho pontu neen, hanesan ho kampeaun grupu Alemaña maibé diferensa iha golu.

Curação finaliza sira nia jornada iha faze apuramentu iha klasifikasaun ikus liu no eliminadu hosi Tasa Mundiál 2026.

Jornalista: David Gonçalves/Editór: Vito Salvadór

 

Written by: RafaFM

Rate it

Similar posts

Sé maka ita

Harii husi Nilton no Akita durante tempu susar sira hafoin referendu, Rádiu Rafa mosu nu’udar símbolu esperansa no rekonstrusaun iha Timor-Leste. Ida-ne’e maka estasaun rádiu dahuluk ne’ebé mosu hafoin independénsia, halibur foin-sa’e sira, habelar ksolok, no fó lian ba jerasaun foun, maski bainhira barak sei hela iha uma ne’ebé halo ho ahu-ruin hafoin destruisaun ne’ebé kauza hosi violénsia ne’ebé mosu hafoin referendu 1999, iha ne’ebé timoroan sira vota atu haketak hosi Indonézia no harii nasaun ida ne’ebé independente no livre.

Kontaktu sira
error: Content is protected !!